‘Po bëjnë politika mizerabël duke nxitur panik’ Rama nga Bilishti: Do të fitojmë betejën duke e shporrur këtë armik të padukshëm

6 Prill 2021, 11:45

Kryeministri Edi Rama po zhvillon një bashkëbisedim me qytetarët e Bilishtit, ndërkohë që vuri theksin tek procesi i vaksinimit masiv. Rama tha se opozita po bën një politikë mizerabël, të një qëllimi mizerabël në raport me shëndetin e njerëzve që është pushteti me çdo kusht.

Rama tha se apeli i tij është që shëndeti është mbi të gjitha të sillemi si një komb serioz, si një bashkësi njerëzish që nuk bëhen qesharak. Ku luftojnë me një armik të përbashkët, ku popujt serioz bashkohen dhe jo të ndahen.

Më tej kreu i qeverisë tha se do të fitojmë këtë luftë dhe se do u kthejnë buzëqeshjen shqiptarëve dhe do ta shporrin këtë armik të padukshëm.