TIRANË-Policia ka arrestuar një 34-vjeçar të shpallur në kërkim, me precedent të theksuar kriminal, i dënuar për disa vepra penale. 34-vjeçari Edison Canaj i arrestuar në operacionin e koduar 'Prita' ishte i dyshuar si autor i disa vjedhjeve të ndodhura më parë.
Pas informacionit se ai po lëvizte në rrugën “Besim Alla”, policia organizoi operacionin dhe rreth orës 01:15 të mëngjesit të sotëm e konstatuan se në këtë rrugë po tentonte të vidhte një motor me qëllim që të largohej, por pas rrethimit të zonës u prangos.Edison Canaj më parë ka qenë dënuar për “Vjedhje”, “Heqje e paligjshme e lirisë”, “Vjedhje me dhunë”, “Plagosje e lehte me dashje", “Armëmbajtje pa leje”.