Lëvizja nga njëri qytet në tjetrin është ndaluar nga qeveria me Akt Normativ, ndërsa lejohen të lëvizin vetëm kategoritë e autorizuara. Por bashkia e Poliçanit me një vendim të Këshillit Bashkiak mëngjesin e sotëm vendosi një tra duke ndaluar hyrjen në qytet të personave që vijnë nga zonat e prekura. Në postbllok qëndronte policia bashkiake e qytetit të Poliçanit. Por policia e rendit ka ndërhyrë duke hequr traun, ndërsa postblloku për të kontrolluar lëvizjet qëndron.