Drejtuesit e mjeteve të transportit taksi në Lezhe janë mbledhur para komisariatit të policisë, me mbështetje të kolegut të tyre, i cili është ndaluar nga policia prej 2 orësh. Ata kërkojnë lirimin e menjëhershëm të taksistit të ndalur sipas tyre padrejtësisht nga policia.
Sipas burimeve taksisti Lek Marlekaj do të ndiqet penalisht, pasi gjatë prononcimit te tij për mediat ne protestën e zhvilluar paraditen e kësaj të marte para Bashkisë Lezhë ka bërë thirrje për dhunë. Reagimi i drejtuesve te mjeteve taksi, erdhi prej përjashtimit të tyre nga shërbimi në festivalin UNUM që do të mbahet në Shëngjin.