Prokuroria përfundon hetimet për ish-policin: Akuzohet për vrasje me dashje të Klodjan Rashës

3 Mars, 16:25

3 muaj pas vrasjes së 25 vjeçarit Klodian Rasha më 8 dhjetor në rrugën Dritan Hoxha, prokuroria e Tiranës i ka komunikuar sot akuzën efektivit të arrestuar Nevaldo Hajdaraj. Gazetari Arsen Rusta raporton se akuza e re për Hajdarajn është ajo e vrasjes me dashje. Nga hetimet ka rezultuar se Rasha ka qenë i pa armatosur kur është qëlluar për vdekje natën e 8 dhjetorit. Arma e gjetur 200 metër larg vendngjarjes është një model pistolete turke sportive e pershtatshme por nga ana liza e ADN-së ka rezultuar se nuk i përket Klodian Rashës pasi s'ka asnjë gjurmë të tij. Akuza Nevaldos i është komunikuar një ditë më parë në ambientet e paraburgimit. Fillimisht ai u arrestua me akuzën e vrasjes në kapërcim të kufijve të mbrojties së nevojshme. Hetimet zbuluan se vrasja është bërë me dashje dhe mund të evitohej. Brenda pak ditëve dosja do të përfundojë në gjykatën e Tiranës per ta gjykuar e dënuar Nevaldon për vrasje me dashje. Klodian Rasha, u vra në orët e mëngjesit të 8 dhjetorit, dhe është qëlluar nga një distancë prej 5 metrash largësi nga punonjësi i policisë, Hajdaraj. Pamjet filmike kryesore të sekuestruara nga prokuroria e Tiranës, e tregonin qartë veprimin e policit, ku para kamerës së një servisi në Laprakë, duket se është pozicionuar për të qëlluar me armën e shërbimit në drejtim të personit që ai po ndiqte. Në filmim, sipas grupit të hetimit, dallohet se viktima është larguar me vrap. Ndërkohë nga një distancë shumë e afërt prej 5 metrash, polici i pozicionuar i shtrirë në trotuar ka hapur dy herë zjarr drejt tij.

 

Kategori të tjera

    Nuk u gjeten video për këtë Kategori!

Shiko të gjitha

    Nuk u gjeten video për këtë Kategori!

Shiko të gjitha