Pronarët të painformuar, edhe sot lokalet në Tiranë të hapura, policia vetëm i këshillon

23 Maj 2020, 11:44

Të premten kryeministri Rama njoftoi se masat për COVID-19 gjatë fundjavës do të jenë të njëjta me ato të javës së kaluar, por duket se koha e pakët në dispozicion për të marrë lajmin ka sjellë ngatërresa.

Gjatë një vëzhgimi të bërë nga Report TV gazetari Merin Maçi u shpreh se deri në orën 11:00 shumica e lokaleve në kryeqytet, që është zonë e kuqe, kanë qenë të hapura. Për këtë arsye policia e Tiranës është vënë në lëvizje duke konstatuar këto subjekte.

Për arsyen thelbësore se nuk kanë qenë të informuar është bërë këshillimi i tyre dhe nuk janë gjobitur sipas aktit normativ, por bëhet me dije se në rast se konstatohen sërish hapur do të merren masa administrative, siç është gjoba 1 mijë lekë të reja gjobë.