Me opozitën e cila ditë pas dite po fiton forcë pas disa ditësh protesta kundër zgjedhjeve presidenciale të mbajtura të Dielën e kaluar, liderja e opozitën nga Lituania, Svetlana Tikhanovskaya u ka bërë thirrje mbështetësve të mblidhen përsëri këtë fundjavë.
Qytetarët u mblodhën mesditën e sotme pranë stacionit të metrosë Pushkinskaya në kryeqytetin Minsk në nder të Alexander Taraikovsky, protestuesit 34-vjeçar humbi jetën të hënën.
Një "Marshim për Liri" është planifikuar të mbahet në Minsk të Dielën, një javë pas zgjedhjeve të kontestuara që 65-vjeçari Lukashenko pretendon të ketë fituar me 80% të votave.
Në shenjë të presionit në rritje, Lukashenko deklaroi se donte të fliste me Putin, duke paralajmëruar se protestat në rrugë nuk përbënin kërcënim për Bjellorusinë.
Zyrtarët bjellorus kanë konfirmuar dy viktima në trazira dhe rreth 6700 të arrestuar. Ndërkohë që ditën e djeshme ministrat e jashtëm të BE i bënë thirrje Lukashenko-s të dëgjojë zërat e qytetarëve për demokraci./ Përgatiti Suada Mehmetaj