27 fasoneritë e Krujës kanë pezulluar aktivitetin për shkak se nuk plotësojnë dot kriteret e vendosura nga qeveria përmes "Protokollit të kuq".
Sipas tyre është e pamundur të ruhet distanca 2 metra në fasoneri dhe në autobus. Ata kërcënojnë se do të largohen nga Shqipëria për të hapur bizneset e tyre në vendet e rajonit.
Biznesi fason në rrethin e Krujës është i pezulluar prej disa ditësh. Administratorët shprehen se e kanë të pamundur të punojnë për shkak të masave strikte të ndërmarra nga qeveria, siç njihet ndryshe protokolli i kuq.