PS bën ndarjet e reja, Rama 'merr' Veriun, Kodheli: Ja dy figurat që do koordinojnë Jugun dhe Shqipërinë e Mesme

15 Korrik, 22:03

Ditën e sotme kryeministri Edi Rama mblodhi Kryesinë e Partisë Socialiste ku ka ndarë edhe detyrat e reja për menaxhimin dhe koordinimin politik të 12 qarqeve të vendit. Ish-ministrja e Mbrojtjes, Mimi kodheli ka thënë në emsionin “5 pyetje nga Babaramo” në Report TV, së vetë kryeministri Rama ka zgjedhur që të menaxhojë veriun e vendit.

Kodheli ka vijuar më pas duke thënë se Shqipërinë e mesme do ta koordinojë politikisht Sekretari i Përgjithshëm i PS, Taulant Balla.

Ndërsa për sa i përket Shqipërisë së Jugut, ish-ministrja Kodheli ka thënë se do të menaxhohet politikisht nga kryetari i Kuvendit, Gramoz Ruçi.

"Nuk u diskutuam, nuk u cek fare, duhet të merremi me çfarë është punuar ne parti, zgjedhjet në parti, strukturimit në parti. Në vendimarrjet që do të marrim. Do të ketë një riorganizim brenda Kryesisë. Kryetari do të marri përgjegjësi për vendimarrjet politike për veriun, sekretari i përgjithshëm, Taulant Balla do të ketë Shqipërinë e mesme ndërsa kryetari i kuvendit, Gramoz Ruci është në jug të vendit. Në veri Deputetët, të zgjedhurit do të punojnë... Do të bëjmë një analizë politike, do të kemi një mbledhje kryesi brenda kësaj jave për të parë se si është organizuar partia në këto zgjedhje. Është një punë që duhet bërë.

A u fol për zgjidhjen e kësaj krize?

Është e nevojshme ti rikthehemi kësaj krize. Është delikate por jo pa zgjidhje. Ka shumë faktorë dhe aktorë që hynë dhe dalin. E ndihmuar edhe nga ndërkombëtarët do të jetë një zgjedhje politike për Shqipërinë.

A ka zgjedhje të parakohshme si zgjidhje?

Ne nuk kemi diskutuar këtë po si do të organizohemi për zgjedhjet e 2021.

Kujtojmë se më 22 korrik pritet mbledhja e Asamblesë. Në këtë të fundit priten jo pak surpriza, edhe pse Rama nuk pranoi të komentonte për ndryshime të mundshme në qeveri.

Kategori të tjera