Bregu akuzohet se nuk mori masat në punë, e për pasojë punëtori Shkëlqim Metkaj humbi jetën një ditë më parë. Avokati i Bregut, Arenc Berati shprehet se inxhinieri nuk ka qenë atë ditë në punë pasi ishte karantinuar sepse prej 3 ditësh kishte shfaqur shenja të koronavirusit. Ai thekson se Bregu nuk duhet të lëvizte deri në përgjigje të tamponit, por ndërkohë i është kërkuar që ë shkojë në polici, gjë të cilën e cilëson si absurde dhe të rrezikshme.