Punonjësit e policisë së burgjeve paralajmërojnë protestë nëse Ministria e Drejtësisë nuk plotëson kushtet që ata kërkojnë prej kohësh. Kreu i sindikatës, Valentin Macaj nga Shkodra u shpreh se kemi bërë peticion me 200 firma dhe nëse nuk marrim përgjigje brenda një jave do të ngrihemi në protestë. Kërkesat kryesore; janë rritja e pagave sipas gradave, përmirësimi i kushteve të punës, uniformat e reja, transporti, etj.
Punonjesit e burgjeve i kanë lënë Ministrisë së Drejtësisë dhe Drejtorisë së Burgjeve 1 javë afat në plotësimin e kërkesave të tyre ligjore në të kundërt futen në protestë. Lajmi është bërë i ditur nga kryetari i sindikatës së punonjësve të burgjeve Valentin Macaj i cili tha se nëse punonjësit e burgjeve futen në protestë vendi shkon në kolaps.
I pyetur mbi arsyet e marrjes së firmave të punonjësve dhe kërkesat e tyre ai tha kërkohet marrja e masave për përmirësimim e situatës në sistemin penitenciar shqiptar, duke filluar nga rritja e pagave, kushtet e punës, vakti ushqimor, uniforma të rregullta, transporti, kushtet në vendin e punës, kutitë e ndihmës së shpejtë, sigurimi i jetës.
"Ligji është miratuar në qershor është dekretuar dhe ka hyrënë fuqi me 1 gusht. Kaluan 3 muaj dhe VKM për pagën e re sipas gradës nuk ka dalë. Puna në ditët e pushimit zyrtar nuk paguhet 100% mblodhem 220 firma të punonjësve të cilat janë gati për grevë, ne presim dhe reagimin kryeministrit zotit Rama të cilit i kami çu dhe një peticion ku i paraqesim kërkesat kryesore bazike për plotësimin e kushteve të punonjësve të policisë në burgje", ka thënë Macaj.
Në vendin tonë, ka thënë Maçaj, nuk zbatohet Kodi i Punës, Ligji për policinë e Burgjeve, të Drejtat Ndërkombëtare të punës dhe Konventat e miratuara që janë të gjitha në rregull por nuk po gjejne zbatim.