Seanca e sotme plenare është shoqëruar me një incident ku nënkryetari Partisë Demokratike, njëhkohësisht nëkryetar i Kuvendit, Edi Paloka ka sulmuar kryeministrin Edi Rama, duke qëlluar në drejtim të tij me një shiringë boje.
Si pasojë e këtij veprimi kryeparlamentari, Gramoz Ruçi ka kërkuar përjashtimin e tij nga senaca e kuvendit.
Garda e Republikës ka nisur hetimet e menjëhershme për agresionin e kryer në sytë e të gjithëve dhe gjithashtu procedimin penal kundër shtetasit Edi Paloka. Ndaj Palokës, është kërkuar masa e përjashtimit nga kuvendi me një afat ditor prej 10 ditësh.
Ndërkohë vetë nënkryetari Partisë Demokratike është shprehur se kjo nuk ishte hakmarrja e tij por shqiptarëve që vidhen çdo ditë nga qeveria. Ai tha se Rama nuk ka parë gjë akoma dhe ky është vetëm fillimi i 16 shkurtit.
"Ai parlament është i qelbur kokë e këmbë, nuk ka asnjë vlerë. Ja thashë edhe Gramoz Ruçit kur tha se është përjashtuar Paloka. Ai parlament është përjashtuar nga populli, është parlament me vota të vjedhura. U tha se u hakmorr Paloka, por ajo ishte hakmarrje e shqiptarëve që përditen fyen dhe vidhen nga një qeveri dhe një kryeministër arrogant dhe i pacipë. Ky është vetëm fillimi i 16 shkurtit. Ai realisht nuk parë asgjë akoma", tha Paloka.