TIRANE-Kryeministri Edi Rama deklaroi sot gjatë takimit me qytetarët që kanë gjetur zgjidhje pasi i janë drejtuar platformës së bashkëqeverisjes se ata që 'na përqeshin meritojnë vetëm keqardhje dhe mëshirë'. Përgjigja e kryeministrit vjen pas akuzave nga opozita.
"Platforma e bashkëqeverisjes shqiperiaqeduam është transformimi përmes inovacionit përmes zyrave të kudondodhura. Ajo zëvendëson letrat e drejtuara ministrive. Platforma mundëson që qytetari të jetë i pari. Kush do punë pa kushte, le ti drejtohet platformës. Kush na kritikon është i mirë se ardhur, por kush na përqesh meriton vetëm keqardhje dhe mëshirën tonë.
Janë me mijëra raste që nuk janë zgjidhur historikisht, asnjë qeveri e mëparshme nuk ua ka dhënë njerëzve këtë mundësi dhe nuk ka qenë e hapur për njerëzit. Qeveria jonë i jep fuqi njerëzve pa përkrahje, që nuk kanë mundur të ngrenë zërin dhe të dëgjohen" tha Rama.