Kryeministri Edi Rama tha se kërkon të tregojë të vërtetën e situatës së koronavirusit në Shqipëri e nisur nga pritshmëritë e ekspertëve, pritet që javët në vijim të ketë numër shumë më të lartë të infektuarish në Shqipëri. Ai tha se nga mesi i marsit dhe fillim prilli do të jetë mundësia të shihen efektet që kanë dhënë masat parandaluese. Nëse nuk do të merren këto kufizime tha ai, do të ketë më shumë qytetarë që kanë nevojë për spital, saqë nuk do të ketë shtretër për t'i përballuar, një situatë kjo që bota e përjetoi ku Rama mori shembull sistemin shëndetësor ekselent të Lombardisë që gjithashtu u fut në kolaps.