Kryeministri Edi Rama njoftoi investimin që do bëhen në rrugën e Arbrit e cila siç tha ai brenda katër viteve të ardhshme do mundësojë që rruga Tiranë-Burrel të bëhet brenda orës. Ai tha se kompania e mriëmbajtjes së rrugës Burrel-Klos do mbajë përgjeëgjësi për punën pa cilësi.
"Më vjen shumë mirë që më në fund ne do mund të përputhim vizionin, programet,energjitë e qeverisë me ato të Bashkisë së Matit dhe do mund të rimarrim një rrugë të ndërprerë katër vite më parë për të fituar kohën e humbur. Më vjen keq që në këtë stacion ri-mblidhemi dhe në këtë shesh nuk ka ndryshuar asgjë. Zemra e bashkisë ka ndaluar për katër vjet. Ka ndryshuar vetëm një grusht njerëzish. Ju siguroj se në katër vitet e ardhshme do sjellim këtu një ndryshim të madh. Edhe ju do lidheni me Tiranën në një rrugë moderne europiane që do iu çojë në Tiranë në më pak se një orë. Punimet e mirëmbajtjes në rrugës Burrel Klos nuk janë si i meritoni dhe kompania ose duhet të bëjë punët që ju meritoni ose do përballet me masat për atë punë pa cilësi. Më vjen mirë që rrugën e Arbrit po e bëjmë realitet", tha Rama.