Kryeministri Edi Rama tha se nuk do të ketë asnjë penalizim ndaj shqiptarëve që kanë mbetur në Itali dhe që nuk kanë mundur të kthehen në atdhe për shkak të mbylljes së kufijve nga situata me COVID-19. Megjithatë, shefi i mazhorancës tha se duhet durim pasi edhe qeveritë e vendeve të tjera të prekura nga koronavirusi janë në vështirësitë e tyre në përballjen me këtë që ai e quan luftë, qoftë në sistemin shëndetësor ashtu edhe financiar.