Kryeministri Edi Rama ishte ditën e sotme në Floq, nga ku pa nga afër situatën në të cilën ndodhen banorët e prekur nga tërmetet që përfshinë Korçën disa ditë më parë.
Ai është takuar me disa banorë të cilët prej ditësh po qëndrojnë në çadra e ndërsa ka premtuar që shtëpitë e tyre do ndërtohen brenda verës.
"Në fshatin Floq me të prekurit nga Tërmeti.
Të gjitha shtëpitë do të rindërtohen brenda verës", shkruan Rama.
Pasi është ndalur tek çadrat ku janë vendosur një pjesë e banorëve, kreu i qeverisë ka shkuar në ambientet e shkollës ku ndodhet pjesa tjetër e banorëve shtëpitë e të cilëve u dëmtuan nga tërmeti.
Në fshatin Floq të bashkisë Korçë rezultojnë 65 banesa të shkatërruara, ndërsa 100 të tjera kanë pësuar dëmtime të lehta. Banorëve u janë shpërndarë ndihma ushqimore, ndërkohë që pranë tyre janë shërbimet mjekësore.