Rama takon Emirin e Katarit: Bashkëpunim në turizëm dhe infrastrukturë

16 Prill 2019, 15:20 | Përditesimi i fundit: 2019-04-16 15:45:31

Kryeministri Edi Rama ndodhet në Katar ku po zhvillon një vizitë zyrtare me ftesë të Emirit të Katarit, Sheikut Tamim bin Hamad Al Thani.

Kryeministri u prit në një ceremoni të posaçme zyrtare ku merrnin pjesë personalitetet më të larta të shtetit.

Më pas ai u prit në një takim të veçantë nga Emiri i Katarit, Sheiku Tamim bin Hamad Al Thani.

Gjatë takimit, bashkëbiseduesit  vlerësuan marrëdhëniet e mira mes dy vendeve, si dhe shprehën angazhimin e tyre për të thelluar bashkëpunimin në fusha me interes të ndërsjellë, kryesisht në turizëm dhe infrastrukturë. Gjithashtu, zhvillimi i turizmit dhe i tregtisë së ndërsjellë, u theksua si prioritet.​