Shqipëria ka humbur një pozicion në renditjen e FIFA-s të publikuar gjatë ditës së sotme. Kuqezinjtë mbajnë vendin e 62-të në renditje duke humbur një pozicion krahasuar me një muaj më parë. Gjatë muajit të kaluar Kombëtarja luajti dy ndeshje ku humbi me Turqinë dhe fitoi 3-0 ndaj Andorras.
Sa i përket ekipeve të tjera që gjenden në grupin H kualifikues të “Euro 2020” Franca mban vendin e dytë në renditje ,Turqia e 39-ta dhe Islanda e 40-ta , Andorra renditen në vendin e 134-të në FIFA dhe Moldavia rivale e muajit qershor pozicionohet në vendin e 171-të.
Kosova vijon ngjitjen në FIFA. Dardanët pasi barazuan muajin e kaluar me Danimarkën në miqësore dhe Bullgarinë në ndeshje zyrtare pozicionohen në vendin e 127-të. Kosova është ngjitur me 3 pozicione në FIFA. Renditjen e FIFA-s për muajin prill e kryeson Belgjika.