Gazetari investigativ i Report Tv, Artan Hoxha, i cili intervistoi Klement Balilin disa orë përpara dorëzimit te Ardi Veliu, tha se ai ka negociuar direkt me Drejtorin e Përgjithshëm të Policisë së Shtetit. Sipas tij, efektivët e policisë nuk dinin gjë për këtë dorëzim të njeriut më të kërkuar në Shqipëri për dy vite e tetë muaj me radhë. "Klement Balili nuk përdorte telefon celular. Ai kishte marrëveshje direkt me Ardi Veliun. Policët poshtë nuk kishin fare dijeni për këtë gjë. Komuniteti atje e ka mbrojtur. Nuk ishte superoperacion i policisë, por ishte një dorëzim. Nëse do ishte për arrestim, duhet ta kishin kapur", u shpreh gazetari Artan Hoxha.