Të gjitha kategoritë dhe llojet e bizneseve në kohë krizash janë të rrezikuara. Përveç mbështetjes financiare në një situatë krize bizneset kërkojnë edhe siguri në sistemin fiskal. Për të përballuar krizën për po shkakton pandemia eksperti i ekonomisë Zef Preçi thotë se biznesi ka nevojë për ide të reja.
“Biznesi ka nevojë për ide reale. Dhe jo për ide fantazmagorike që lidhen me sistemin fiskal. Njëri thotë do ta bëj taksë të sheshtë tjetri thotë do ta heq fare, njëri thotë do e heq edhe për 100 vitet e ardhshme. Këto nuk kanë vend në një ekonomi dhe në një shtet normal. Përgjithësisht sistemi duhet të jetë i thjeshtë i kuptueshëm për të gjithë dhe që nuk le shtigje që të transferohen në xhepat e privatit ajo që duhet të shkojë tek shteti”, thotë Preçi.