Rubrika “Në Librari” sjell këtë fundjavë katër tituj të rinj. Nga vëllimi poetik “Mjegullat e gjenezës” tek romani “Zogjtë e Qyqes”. Ndërsa, nuk mungon as studimi historik “Shqipëria edhe Kina” e Gjon Boriçit, i cili analizon marrëdhënien e ngushtë në sfondin e Luftës së Ftohtë mes dy vendeve nga viti 1956 deri në 1978. Vëllimi poetik “Mjegullat e gjenezës” i autorit Ndue Dedaj fton lexuesin të shtegtojë në çdo cep të atdheut nga Jugu në Veri, përmes personazheve të legjendave, historisë dhe letërsisë shqipe Romani “Zogjtë e Qyqes” i autorit Gani Mehmetaj përmes një narratori serb, rrëfen raportet mes shqiptarëve të Kosovës dhe serbëve për dekada të tëra Arben Trebicka boton“Këndvështrimin tjetër të jetës”. Autori përmes elementëve autobiografikë kërkon, që të ndikojë sadopak në ndërgjegjësimin e lexuesve, që dëshirojnë t’u japin jetë ëndrrave Studimi i Gjon Boriçit, “Shqipëria dhe Kina” trajton ‘Marrëdhënien e ngushtë mes dy vendeve në sfondin e Luftës së Ftohtë nga viti 1956-1978”, me karakter diplomatik, politik, ekonomik  dhe kulturor.