‘Në Librari’ me katër tituj të rinj. Studiuesi sjell 'Fjalorin e Homonineve' dhe 'Gjuhët e Parajsës'

11 Prill 2021, 15:30 | Përditesimi i fundit: 2021-04-12 09:50:07

Ali Jashari, autori i Fjalorit të Shprehjeve të Huazuara në Gjuhën Shqipe (2007) dhe atij Leksiko-Frazeologjikë të Devollit (2016), kësaj here prezanton “Fjalorin e homonimeve në gjuhën shqipe” përmes shembujve konkret. Ky botim është fryt i një pune disavjeçare dhe vjen si bashkëpunim mes studiuesit nga Korça dhe prof. Bahtijar Kryeziut nga Kosova. 

Gjuhëtarja Ledi Shamku-Shkreli rrëfen shqipërimin e librit “Gjuhët e Parajsës” së historianit Maurice Olender. Shamku tregon se përmes këtij libri është gjurmuar zhvillimi i gjuhës gjatë tre-katër shekujve, prandaj hedh dritë edhe mbi aktualitetin e ligjërimeve tona gjuhësore

Rrëfenja “Mërmërima e kroit të moçëm” me autor Istref Haxhillarin dhe ilustrime nga Anastas Kostandini na rikthen në ngjarje të jetuara mes shqiptarësh para një shekulli. Brezi i ri mund të njoh përmes këtij botimi historinë, doket dhe zakonet e popullit tonë 

Librat e ‘gjyshit të përrallave’ për fëmijët shqiptarë, Bedri Dedjas, pas 20 vitesh shikojnë sërisht dritën e botimit. Tre titujt “Presidenti i planetit të kuq”, “Një udhëtim” dhe Fatbardh Pikaloshi” rikthejnë aventurat e personazheve, që janë të denja dhe për fëmijët sot.