Irina Slavina, drejtoresha e faqes në internet KozaPress, i vuri zjarrin vetes përpara zyrës lokale të Ministrisë së Brendshme në qytetin e Nizhny Novgorod.
Gazetarja vdiq në vend nga djegiet. Para se të sakrifikonte veten, ajo shkruajti në faqen e saj në Facebook
"Ju lutem, fajësoni Federatën Ruse për vdekjen time".
Slavina drejtoi KozaPress, një faqe e vogël lokale e lajmeve por e famshme për moton e saj "pa censurë dhe urdhra nga lart".
Një ditë para vdekjes, ai shkroi në Facebook se oficerët e policisë dhe detektivët i kishin plaçkitur banesën e saj, duke kërkuar "broshura, fletëpalosje dhe raporte" nga grupi opozitar Open Russia, i financuar nga manjati kritik i Kremlinit Mikhail Khodorkovsky. Slavina tregoi se si policia kishte sekuestruar fletore, dosje, laptopë dhe pajisjet e tjera elektronike, përfshirë laptopin e vajzës së saj dhe telefonin celular të burrit të saj.
Policia e Nizhny Novgorod ndërkohë ka hapur një hetim paraprak.
Qyteti me 1.3 milionë banorë ndodhet afërsisht 400 kilometra në lindje të Moskës.