Rusia pret nga SHBA të kërkojnë falje pasi Presidenti Joe Biden tha se ai mendonte se homologu i tij rus Vladimir Putin ishte një vrasës dhe kërcënoi se mund të hakmerrej kundër Uashingtonit nëse nuk merr një reagim të tillë.
Reagimi i Rusisë erdhi pas një interviste ekskluzive të Biden ku ai u shpreh se ai besonte se presidenti rus ishte një vrasës. Ai e përshkroi Putinin si një person pa shpirt dhe premtoi se Rusi do të paguante një çmim të rëndë për ndërhyrjen ruse në zgjedhjet presidenciale të SHBA në 2020, diçka që Kremlini e mohon.