Drejtori i Hipotekës, Valdrin Pjetri, ka kryer sot një inspektim në strukturat e ZVRPP Vlorë, ku ka folur për sezonin turistik. Nga qyteti bregdetar, Pjetri ka deklaruar se po merren masa për sezonin e verës dhe për kthimin e emigrantëve.
Ai premtoi nga Vlora se do të shtohen sportelet dhe do të zgjatet koha në shërbim të qytetarëve, duke ju bërë thirrje të gjithëve njëkohësisht që të denoncojnë në platformën e bashkëqeverisjes çdo rast korrupsioni.
Po marrim masa për sezonin e verës dhe kthimin e emigrantëve. Do shtojmë sportelet dhe do zgjasim kohën në shërbim të qytetarëve. Çdo rast korrupsioni denoncojeni në platformën e Bashkëqeverisjes.
Valdrin Pjetri, Drejtori i Hipotekës