Shpërthehet me eksploziv termocentrali Brayton Point në Massachusetts të SHBA. Termocentrali, i cili punonte me qymyr dhe furnizonte me energji rrjetin rajonal, ishte më i madhi në rajonin e New England.
Ndërtimi i kullave ftohëse filloi në vitin 2009 me një kosto prej rreth 620 milionë dollarë. Fabrika e ndërpreu prodhimin e energjisë në 1 qershor të vitit 2017 nën presionin e ambientalistëve.
Pronaret e rinj kanë për qëllim ta transformojnë tërësisht vendin dhe në vend të termocentralit të ndërtojnë një park të ri që do të shfrytëzojë erën për të përftuar energji e cila do të furnizoi gjithë rajonin.