Një i vdekur dhe disa të plagosur, - është ky bilanci i përplasjeve gjatë mbrëmjes së djeshme midis protestuesve dhe policisë në Kenosha në Wisconsin të Shteteve të Bashkuara pas plagosjes nga forcat e rendit të Jacob Blake një afrikano-amerikan i cili u qëllua nga pas shpine në prani të fëmijëve të tij dhe që sipas familjarëve të cilët kanë cituar raportimet e mjekëve, do të mbetet i paralizuar për gjithë jetën.
Nga New York-u në Seattle, lëvizja Black Lives Matter doli në rrugë për të protestuar kundër brutalitetit të policisë ndaj afrikano-amerikanëve dhe minoriteteve të tjera në vend. Demonstrimet kanë degjeneruar në dhunë dhe plaçkitje ndërkohë që Guvernatori i Wisconsin ka vendosur qindra oficerë policie në rrugë.
Kjo nuk është e mjaftueshme. Duhet Garda Kombëtare. E gjithë kjo duhet të ndalet", ka shkruar presidenti Trump në Twitter.
Jacob Blake, pasi ishte konfliktuar më parë me disa agjentë policie ishte gati të futej në makinën në të cilën ishin edhe tre fëmijët e tij (3,5 dhe 8 vjeç), kur u tërhoq nga jeleku nga një prej policëve dhe u qëllua me pas shpine me 7 plumba. Ai u dërgua me urgjencë në spital ku tani ndodhet jashtë rrezikut për jetën por sipas mjekëve do të mbetet i paralizuar.
"Nuk kam derdhur lot. Kam ndaluar të qaj shumë vite më parë. Për vite me radhë kam parë njerëzit e mi të vrarë nga policia" - tha motra e Blake, Letetra Widman përmes një letre e cila është bërë virale në mediat sociale.
Kurse nëna e Jacob ka bërë thirrje për mospërdorimin e dhunës dhe për paqe.