Në qytetin e Durrësit janë shënuar dy raste me gripin AH1N1, të njohur ndryshe edhe si 'virusi i derrit'. Shefi i pavionit të Infektivit në Durrës, Zet Greca shprehet se njëri nga pacientët u largua për në banesë, pasi gjendja u stabilizua, ndërsa rasti i dytë 60-vjeçari K.B ndodhet në terapi intensive.
Ai ka tre ditë që është shtruar në spital. I moshuari ka edhe sëmundje shoqëruese. Shefi i pavionit tha gjithashtu, se janë regjistruar edhe katër raste me fruth, të cilët ndodhen jashtë rrezikut pas vaksinimit.
Në Vlorë pak ditë më parë u raportua se ishin tetë persona të prekur me AH1N1, njëri prej të cilëve fëmijë. Ndërkohë që në Tiranë në javën e fundit kanë ndërruar jetë katër persona, dy nga Elbasani, një nga Gramshi dhe një nga Lushnja