Të gjithë qytetarët që kanë marrë gjobë për shkak të shkeljes së lejes së qëndrimit në një shtet të huaj për shkak të pandemisë COVID-19, do të rimbursohen nga shteti, aq sa është edhe vlera e penalitetit.
Përfitues do të jenë ata persona që janë ndëshkuar nga data 10 mars deri më 1 qershor. Ministrja e Financave Anila Denaj njoftoi se për rimbursimin e tyre do të alokohet një fond nga buxheti i shtetit dhe se të gjithë qytetarët duhet të aplikojnë pranë drejtorisë së tatimeve.