SHKODËR- Aksioni anti-informalitet ku është i përfshirë edhe operacioni kundër Krimit Mjedisor vijon në të gjithë Shqipërinë. Së fundmi një inspektor pyjesh dhe 3 persona janë vënë nën hetim pasi në Bjeshkët e Domnit të Njësisë Administrative Postrribë kishin prerë rreth 30 m³ lëndë drusore në mënyrë të paligjshme , që transportohej me kamionë në drejtim të Shkodrës.
Inspektori i pyjeve i proceduar penalisht është Z.GJ. Ndërsa tre personat e vënë nën hetim janë A.N., A.C. dhe R.K, akuzohen për veprat penale ”Fshehja e të ardhurave” dhe ”Prerja e paligjshme e pyjeve. Ata janë kapur në saj të operacionit 'Marinaj' nga Policia e Shkodrës.
Sipas policisë operacioni është ende në veprim dhe priten që të procedohen të tjerë persona. Ndërkohë ftohen të gjithë qytetarët që shikojnë shkelje që të njoftojnë menjëherë policinë.