TIRANE-Shpërthimi i një bombole gazi ka djegur pjesërisht një banesë në qytetin e Shkodrës mesditën e sotme. Ngjarja ka ndodhur orës 12:45 në afërsi të shkollës “Oso Kuka” tek rruga e “Tafilicajve”.
Kanë qenë banorët e zonës ata që kanë lajmëruar zjarrfikësen, por ndërhyrja e tyre ka qenë mjaft e vështirë pasi rrugica në të cilën ndodhet shtëpia është mjaft e ngushtë. Megjithatë flakët e zjarrit janë neutralizuar, duke mos rrezikuar banesat e tjera dhe fatmirësisht nuk ka të lënduar, vetëm dëme materiale.
Por si ka ndodhur ngjarja? Report Tv mëson se zonja e shtëpisë sapo kishte mbushur bombolën 5 litërshe të gazit dhe e kishte lënë në garazh. Pak momente më vonë është dëgjuar një shpërthim pikërisht pranë garazhit.
E zonja e shtëpisë ka dalë menjëherë jashtë ndërkohë që komshinjtë njoftuan zjarrfikësen. Brenda garazhit ndodhej edhe një makinë që është djegur.