Një dëmtim si ai që pësoi kapiteni i kombëtares shqiptare të futbollit Elsied Hysaj, nuk mund të ikte pa pasoja. Dhe duket se ai nuk do të jetë në sfidat përballë Moldavisë dhe Turiqsë në Euro 2020. Kjo për faktin se shkodrani 25- vjeçari ka pësuar frakturë në sternum (shtylla e kraharorit). Në fillim rrezikohej se Hysaj mund të kishte lënduar kokën ose qafën pasi rrëzimi i tij për tokë ishte vërtet i llahtarshëm. Më pas për një mavijosje të kraharorit sipas mediave italiane, dhe në fund është pikërisht klubi i Napolit i cili citon shkurt në faqen zyrtare se "Hysaj vuan frakturë në sternum".
Elseid Hysaj ka shpëtuar mirë prej këtij dëmtimi, por Edy Reja duhet të mendojë mirë me kë do e zëvendësojë kapitenin e tij, pasi ditën e sotme tekniku italian shpalli listën zyrtare dhe as 24 orë nga konferenca do i duhet t'i bëjë planet pas Hysajn.