Report Tv ka siguruar pamjet e sherrit tek ish kafe Europa mes tifozëve holandezë dhe shqiptarëve vetëm një ditë para ndeshjes Conference League. Në video duket se si janë të gjithë në tavolinat e tyre dhe fillojnë të konfliktohen fizikisht me njëri-tjetrin.
Shqiptari që mbeti i plagosur vjen nga jashtë dhe duket sikur kërkon sqarim se çfarë po ndodh por përfshihet në sherr ndërsa shoku i tij hedh karrigen për të goditur tifozin holandez. Nga lëvizja, u godit shqiptari që mbeti i plagosur dhe mori dëmtime në kokë.