Ashtu siç e kishte paralajmëruar edhe pak ditë më parë, kreu i PD-së, Lulzim Basha pritet të nisë një tur bashkëbisedimi në të gjithë Shqipërinë.
Në axhendën e shpërndarë për media, selia blu bën me dije se turi i takimeve do të nisë me Elbasanin, kur Basha do të zhvillojë një takim në orën 17:00.
Objektivi i këtyre takime me qytetarët, siç njofton PD-ja, është projekti i zgjidhjeve afatgjata, për çdo çështje dhe problematikë që qytetarët do të ngrenë me Bashën.
Turi i takimeve vjen në një kohë, kur opozita kërkon zgjedhje të parakohshme parlamentare dhe lokale, si e vetmja mënyrë për të dalë nga kriza politike.