Presidenti amerikan Donald Trump ka shkurtuar fondet e SHBA për Organizatën Botërore të Shëndetit (OBSH) pasi sipas tij ajo është shumë pro-kineze.
Hakmarrja e manjatit kishte qenë në ajër për ca kohë, pasi tensionet u përshkallëzuan midis agjencisë shëndetësore të OKB dhe Shtëpisë së Bardhë. Trump akuzoi OBSH për një menaxhim katastrofik të pandemisë. Në veçanti, ai nuk falte Organizatën për sulmin ndaj tij kur ai urdhëroi ndalimin e hyrjes në SHBA të udhëtarëve nga Kina.
I akuzuar për nënvlerësimet e tij fillestare të pandemisë, i kritikuar dhe nga shumë guvernatorë amerikanë për premtime për ndihma federale shëndetësore që akoma nuk kanë shkuar, Trump gjithmonë është mburrur se ka vepruar para të tjerëve për të frenuar përhapjen e pandemisë teksa ndaloi fluturimet për dhe nga Kina.
Edhe Italia ishte gjithashtu ndër vendet e para që prezantoi atë lloj kufizimesh, dhe fillimisht u kritikua nga OBSH.
Mediat amerikane, madje edhe më përparimtarët dhe më kritikët e Trump, nuk kanë qenë të bute me vendimet e OBSH e cila është kritikuar vazhdimisht se ka shpallur me një muaj vonesë pandeminë dhe se drejtori i saj i përgjithshëm nuk ka thënë asnjë fjalë për heshtjen dhe fshehjen e epidemisë nga Pekini zyrtar.