TIRANË- Policia ka arrestuar dy persona, pasi u kapën me armë zjarri me vete.
Në pranga janë vënë 30-vjeçari me iniciale K. H., për veprën penale "Armëmbajtja pa leje", si dhe 24-vjeçari me iniciale S. S., për veprat penale "Armëmbajtja pa leje” dhe “Moskallëzimi i krimit”.
Tek “Rrethrrotullimi i Farkës” u bë ndalimi i mjetit tip “Audi” që drejtohej nga 24-vjeçari dhe kishte pasagjer 30-vjeçarin. Gjatë kontrollit të ushtruar në mjetin e tyre, në çantën e dorës të 30-vjeçarit u gjet një armë pistoletë dhe fishekë luftarak.
Pas kontrollit në banesën e 24-vjeçarit u gjetën dhe u sekuestruan edhe një sasi municioni luftarak.
Materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Tiranë.