ELBASAN-Një vajzë është rrëmbyer mesditën e sotme, por fatmirësisht pengmarrja ka zgjatur vetëm pak minuta, pasi ka ndërhyrë policia duke e shpëtuar.
Teksa makina po kalonte në rrugën e Drejtorisë së Policisë së Elbasanit, vajza ka hapur derën duke thirrur “Ndihmë, ndihmë”.
Në këtë moment policia i është vendosur në ndjekje makinës dhe pas disa minutash ka arritur që të arrestojë autorin e pengmarrjes. Report Tv ka siguruar pamjet e momentit kur është ndaluar autori dhe makina me targë AA 855 BE.