Është dënuar për shpifje nga Gjykata e Tiranës, me një gjobë prej 300.000 lekësh ish deputetja e Partisë Demokratike, Jorida Tabuku.
Ish deputetja është paditur nga kryeministri Edi Rama për shpifje në një deklaratë të bërë më 25.10.2018 mbi lojrat e fatit. Tabaku në atë kohë ka akuzuar familjarët e Ramës dhe personave të akuzuar për trafik ndërkombëtar qeniesh njerëzore dhe lëndësh narkotike për lidhje me kompanitë e lojërave të fatit. Ndër të tjera Tabaku hidhte akuza se lojërat e fatit po mbyllen në terren pasi do t’i lënë hapësirë Olsi Ramës, vëllait të kryeministrit, që t’i këtë nën menaxhim.
Gjykata e Rrethit Gjyqësor Tiranë mori në shqyrtim padinë e bërë nga kryeministri Edi Rama për ish-deputeten e Partisë Demokratike, Jorida Tabaku dhe në padi kryeministri ka kërkuar dëmshpërblim monetar prej 1 milion lekësh, megjithatë gjykata ka vendosur një shumë më të vogël, 300 000 mijë lekë.
Nga ana tjetër pala mbrojtëse e Tabakut si kundër argument në gjykatë paraqiti 32 fashikuj me prova ku thuhej se deklaratat e saj janë të faktuar dhe të vërteta.