Valencia është klubi më i prekur në Europë nga koronavirusi. Spanjollët kanë refuzuar të bëjnë publike emrat si të lojtarëve të dalë pozitiv me COVID-19 ashtu edhe të pjesëtarëve të stafit por ka bërë me dije se 35% e komplet skuadrës rezulton për momentin e infektuar. Nuk bëhen me dije vetëm emrat e personave të rinj që kanë rezultuar pozitiv.
Në komunikatën e publikuar të hënën në mbrëmje vonë bëhet me dije se të gjithë të prekurit në klubin e Valencias janë në gjëndje të mirë në shtëpitë e tyre dhe po ndiqen nga mjekët.Spanjollët duket se nuk kanë dyshime për faktin se janë prekur nga koronavirusi gjatë transfertës në Milano kur u përballën me Atalantën për Champions League. Të dielën Valencia bëri me dije se në klub kishte 5 raste me COVID-19 duke publikuar madje edhe emrat Mangala, Garay, Gaya, Camarasa dhe Juan Aliaga ndërsa konfirmon se tashmë 35% e skuadrës është e prekur./Përgatiti Andi Kapxhiu