Një banore e Shijakut gjeti vdekjen dy net më parë në spitalin rajonal të Durrësit pasi u paraqit në gjendje të rëndë shëndetësore. Margarita Keçi 36-vjeç u paraqit në qendrën shëndetësore Shijak për të marrë ndihmë shëndetësore nga mjeku i familjes dhe më pas nga mjeku i qendrës shëndetësore.
Gjendja e saj nuk u përmirësua dhe ajo shkoi sërish në qendrën shëndetësore dhe prej andej u dërgua urgjent nga vetë familjarët në spitalin Rajonal të Durrësit ku pas 2 orësh ndërroi jetë. Autopsia pritet që të përcaktojë shkakun e vdekjes.