Drejtuesi i Prokurorisë së rrethit të Pogradecit, Sotir Kllapi ka kaluar vettingun duke u konfirmuar në detyrë. Komisioni i Pavarur i Kualifikimit i përbërë nga Lulzim Hamitaj, Roland Ilia dhe Firdes Shuli pas seancës dëgjimore në datë 8 maj, ku u njoh me dosjen e tij sot vendosi konfirmimin.
Sotir Kllapi i kaloi pa probleme filtrat e pasurisë, pastërtisë së figurës dhe aftësisë profesionale. Prokurori mori raport pozitiv nga ILDKPKI mbi interesat e tij private si dhe raport “përshtatshmërie” nga Drejtoria e Sigurimit të Informacionit të Klasifikuar, DSIK.