VLORË - Një makinë është djegur gjatë orëve të mëngjesit të sotëm në Vlorë.
Policia njofton se ngjarja ka ndodhur në lagjen ‘Kushtrimi’ në orën 03:25 ku mori zjarr makina tip ‘Toyota’ në pronësi të 32-vjeçarit Ermal Hoxha, punonjës hipoteke.
Gazetari i Report Tv, Armand Xhelili raporton se zjarri që ka përfshirë makinën ka qenë e qëllimshme por nuk ka ende një njoftim nga policia. Në momentin që ajo u përfshi nga flakët, ishte e parkuar pranë shtëpisë së Ermal Hoxhës.
“Më datë 04.02.2021, rreth orës 03:25, në lagjen “Kushtrimi”, Vlorë, ka rënë zjarr dhe është djegur një automjet i markës “Toyota”, në pronësi të shtetasit E. H., 32 vjeç, banues në Vlorë” – njofton policia.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.