Dy javë nga çelja e sezonit turistik në qytetin e Vlorës, operatorët turistik ngrenë shqetësimin për infrastrukturën rrugore dhe transportin urban, që shpesh turistët e huaj e përdorin për të vizituar pikat uristike dhe muzeale. Kreu i operatorëve turistik, Vasil Bendaj, pohon se nga prenotimet e deritanishme Vlora pritet të ketë një bum turistësh këtë sezon, ndaj Bashkia duhet të ofrojë kushte që ata të rikthehen sërish vitin e ardhshëm.
Bendaj shprehet se e njëjta situatë me përgatitjet e sezonit turistik është edhe në Orikum dhe Radhimë, të cilat edhe pse janë dy destinacione të preferuara nuk janë ende gati për të pritur pushuesit.