Qytetarët në Durrës që e njihnin çiftin Tosumi shprehen të habitur nga ngjarja e rëndë, ku burri vrau gruan me levë pas sherrit në dyqanin e metrazheve.
"Të dy kanë qenë shumë të mirë, nuk i njohim brenda në shtëpi, por atë që kemi parë këtu. Të dy punonin te dyqani. Të njerëz të mrekullueshëm. Thanë se ishin të ndarë, por nuk dimë gjë. Unë i njoh prej shumë vitesh" shprehet një qytetare.
"Sa i kemi njohur ne kanë qenë të urtë" tha një tjetër. "U habitëm" u shpreh një tjetër qytetar, që ka dyqanin ngjitur me metrazhet e çiftit Tosumi. Ndërsa një tjetër banore tha se "Kanë qenë njerëz shumë të mirë, kanë rritur tre vajza të mrekullueshme. Çudi si arriti ai ta bënte këtë gjë".