Vrasja në Elbasan / Patozi në Report TV: Tregues se partitë e mëdha janë të gatshme të bëjnë gjëmën

21 Prill, 18:44

TIRANË- Koordinatori i Bindjes Demokratike, Astrit Patozi në studion e Report Tv tha se është skandalizuar nga reagimi i presidentit Ilir Meta lidhur me vrasjen e Pjerin Xhuvanit në Elbasan. Patozi tha se në ngjarje kaq të rënda qëndrimi i një presidenti duhet të ishte i qartë dhe i prerë dhe jo të ta trajtonte "sikur nuk kishte qejf të fliste".

"Meta bën mirë të mos dalë kur ka ngjarje të tilla, se deklarata e tij ishte e tmerrshme, Meta mbajti 2 orë një konferencë shtypi për banderolën në Fier, dhe ishte i hakërruar. Ishte një shqiptar që humbi jetën që i përkiste njërës palë, Meta s'mund ta trajtonte që s'kishte qejf të fliste, por duhet të mbante një qëndrim të qartë dhe të prerë. Mos të bëjë deklarata të tilla se nuk dëmton vetëm presidentin e republikës si Institucion", tha Patozi në studion e Report Tv.

Ai ka edhe një arsye se përse ngjarje të tilla kanë si protagonistë dy partitë kryesore, PD-PS.

"Pse ndodh vetëm mes PD dhe PS sepse, kokat e nxehta të këtyre partive janë gati të bëjnë gjëmën që të arrijnë qëllimet politike", tha Patozi.

Një koment ka pasur edhe për ftesën e Ramës drejtuar kryedemokratit Lulzim Basha, sipas së cilit target ka pasur presidentin Ilir Meta.

"Ftesa e Ramës për Bashën, diversion politik dhe kam përshtypjen se ka target Metën dhe jo PD-në, jo më kot solli reagimin më të ashpër të Metës", tha Patozi.

 

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha