Një vatër zjarri është ndezur në zonën e Kasharit, pranë fshatit Kus. Si pasojë e zjarrit janë djegur një sërë pemësh dhe bimë të tjera në këtë zonë.
Mësohet se zjarri ka dy orë që është ndezur, ndërkohë që forcat zjarrfikëse kanë mbërritur në vendngjarje.
Pas dy orësh luftë me flakët, zjarrfikësit kanë arritur që të shuajnë vatrën e zjarrit. Është dashur edhe ndërhyrja nga ajri për të kontrolluar zjarrin. Avioni ka mbushur ujë në një liqen afër vatrës së zjarrit për të shuar flakët.
Nga fotot e publikuara, vihet re se zjarri ka lënë pas sipërfaqe të mëdha të djegura, shumë pemë janë djegur dhe bari është tharë plotësisht.
Akoma nuk bëhen të ditura rrethanat e ndezjes së zjarrit, nëse ka qenë i qëllimshëm apo është ndezur për shkak të temperaturave të larta.