Nisma, që do të shfuqizojë ligjin aktual në fuqi, sjell konceptin e ‘klientit aktiv’, që në fakt janë vetëprodhuesit të cilët, ndryshe nga sa ndodh tani që tepricën e energjisë së gjeneruar e hedhin në rrjet, do të mund ta shesin atë dhe tek klientë të tjerë.

Vetëm në 3 muajt e parë të vitit eksportet e tekstileve dhe këpucëve u tkurrën me 14.7 milionë euro në raport me vjet. Veç zhvlerësimit të valutave që u ka ulur fitimet, sipërmarrësi Florjan Zekja, thotë se po i dëmton edhe lufta në Lindjen e Mesme.

Afro 30 milionë euro ka përfituar buxheti i shtetit deri më tani nga procesi i rivlerësimit të pronave me 9500 aplikime që nga fundi i muajit shkurt. Ministri i Financave Petrit Malaj tha në kuvend se vijon puna për referencat e reja në 60 bashkitë e vendit që sipas tij do të pasqyrojnë çmimet reale të tregut imobiliar. Por për PD-në shtyrja e referencave është bërë për interesa të disa bizneseve.

Sipërmarrjet vendase por dhe ato nga Kosova e Maqedonia e Veriut që veprojnë në Shqipëri, kërkojnë nga qeveria të ndërhyjë në uljen e kostove që po ju sjellë çmimi i lartë i karburantit. Ata drejtojnë 6 kërkesa ku kryesorja është ulja e taksave dhe një skemë rimbursimi.

Rritja e çmimeve në muajin mars i ka dhënë një tjetër hov rritjes së të ardhurave. Ministria e Financave thotë se në tremujorin e parë të vitit të ardhurat u rritën me 13.3% krahasuar me vjet, ndërkohë që shpenzimet edhe pse në rritje përsëri nuk e kanë arritur objektivin. Ndikimin kryesor në shtimin e parave në arkën e shtetit e ka dhënë TVSH-ja, për shkak të çmimeve të larta.

Shqipëria duhet të investojë 7.9 miliardë euro në transportin rrugor, hekurudhor, ajrorë dhe detar për tu përshtatur me standardet evropiane dhe për të garantuar ndërlidhje të shpejtë. Në strategjinë e qeverisë thuhet se vëmendja do të jetë tek hekurudhat, pasi deri në 2030-ën afro 20% e transportit të mallrave duhet të realizohet përmes rrjetit hekurudhor.

Sipas të dhënave të INSTAT çmimi i domateve u rrit me 29% nga shkurti në mars apo specat me 17%. Ndërsa çmimi i hidrokarbureve brenda një muaj u rrit me mesatarisht 16% referuar të dhënave zyrtare.

Për herë të parë në këtë sektor do të jepen 7,000 lekë për çdo fermer që mbarështon mbi 5 dosa, si një nxitje konkrete për zhvillimin e blegtorisë dhe rritjen e prodhimit vendas.

Transporti në Shqipëri vijon të mbetet larg standardeve të BE-së. Në raportin e sekretariatit të Komunitetit të Transportit për vitin 2025 thuhet se vetëm 15% e ligjeve janë në përputhje të plotë me Bashkimin Europian. Në Komisionin e Burimeve Natyrore, drejtori i i këtij institucioni theksoi prpblemet që ka vendi me transportin hekurudhor dhe apeloi që ta kthejnë atë në fokus të investimeve për të adhmen.

Në vetëm dy muaj (janar-shkurt) për të cilët të dhënat janë të disponueshme, shqiptarët morën 81.4 milionë euro kredi, nga rreth 110 milionë euro vjet në të njëjtën periudhë

Në strategjinë e transportit dhe planin e veprimit 2030, e hedhur së fundmi në konsultim publik, ngrihet si problematikë infrastruktura aktuale, trafiku i rënduar dhe siguria e rrugëve, që në këtë nismë thuhet se kufizojnë ndërlidhjen dhe performancën ekonomike.

Kriza e çmimeve të karburanteve pas nisjes së luftës në Lindjen e Mesme ka ndikuar pozitivisht për buxhetin e shtetit. Nga rritja e çmimit të naftës, në muajin mars, vetëm nga TVSH-ja në import janë mbledhur 8.7 milionë euro më shumë se vjet.

Pavarësisht se nga BE, nuk jepen afate për zhbllokimin e fondeve të IPARD III, ministri i Bujqësisë Andis Salla teksa ju përgjigj pyetjeve të deputetit të Partisë së Lirisë Tedi Blushi, tha në Kuvend se brenda vitit fondet do të jenë në duart e fermerëve.

Ashtu siç edhe u paralajmërua një ditë më parë flota e autobusëve të shërbimit publik u reduktua me 40% këtë të mërkurë.

Muajin e kaluar u zhdoganuan 57 mijë tonë, shifra më e lartë e regjistruar ndonjëherë në muajin mars. Rritja e importit tregon për më shumë konsum në vend edhe pse me çmim shumë më të lartë se para luftës në Lindjen e Mesme

Afro 49% e popullsisë së Shqipërisë jeton jashtë kufijve të saj. Numri i diasporës llogaritet rreth 2.2 milionë shqiptarë. Mes shumë pasojave negative për ekonominë e vendit, emigrimi nga ana tjetër ka ndikuar në uljen e varfërisë. Janë 11.7 miliardë euro remitanca prej vitit 2010, të sjella nga emigrantët për të afërmit e tyre.

Shqipëria nuk ka probleme me furnizimin me karburant të avionëve. Autoriteti i Aviacionit Civil thotë për Report TV se vendi mund të përballet me mungesë furnizimi vetëm nëse lufta zgjat përtej muajit maj. Sipas aviacionit, nuk po diskutohet as për kufizim të fluturimeve për të ruajtur rezervën e karburantit.

Në vitin e parë të implementimit të sistemit bonus-malus, AMF thotë se së pari do të bëhet monitorimi i kësaj praktike dhe vlerësimi i efekteve në treg, e më tej do të vlerësohet nëse do të bëhen ndryshime në të ardhmen.

Inflacioni në muajin mars arriti nivelin më të lartë në dy vite. I udhëhequr tërësisht nga ‘transporti’, pasi çmimi i karburantit sipas INSTAT u rrit me 9.5%, shifra më e lartë prej dhjetorit 2022, (lufta në Ukrainë), duke faktuar se edhe pse larg nesh, lufta në Lindjen e Mesme është kërcënim edhe për ekonominë tonë.

Energjia e humbur nga hidrocentralet është kompensuar pjesërisht nga prodhimi i parqeve fotovoltaike, të shpërblyer nga ditët me diell e të rritur dhe në numër.

Çdo e ardhur e fituar jashtë vendit nga pensionistë shqiptarë apo të huaj që bëhën rezidentë në Shqipëri nuk do të tatohet. Qeveria ka propozuar ndryshime në ligjin për tatimin mbi të ardhurat, duke përjashtuar tatim mbi pensionet, me qëllim që të tërheqë sa më shumë diasporën edhe pensionistët e huaj që të vijnë të jetojnë në Shqipëri.

Ministrja e Ekonomisë Delina Ibrahimaj bëri me dije miratimin e projektligjin ku përjashton nga tatimet të ardhurat e gjeneruara jashtë Shqipërisë nga rezidentët në vend. Ndërkohë nga lehtësirat fiskale të përfitojë dhe kategoria e të verbërve.

Në çdo litër naftë apo benzinë, shqiptarët paguajnë për akcizën, taksën e qarkullimit, atë të karbonit, dhe 20% TVSH mbi çmimin. Në 1 litër naftë akciza është 39.2 lekë, taksa e qarkullimit 27 lekë dhe karboni 3 lekë. Në fund, mbi çdo litër shtohet edhe TVSH-ja 20%, që sa më e shtrenjtë të jetë nafta/benzina, aq më shumë paguhet edhe Tatim mbi Vlerën e Shtuar.

Kreu i Lëvizjes ‘Shqipëria Bëhet’, Adriatik Lapaj ka reaguar ashpër lidhur me situatën e sektorit të naftës në Shqipëri, duke denoncuar atë që e cilëson si keqmenaxhim dhe abuzim nga institucionet shtetërore.

Lufta në lindjen e Mesme ka rritur inflacionin në Shqipëri në nivelin më të lartë në dy vite. Shifrat e INSTAT tregojnë se në mars inflacioni ishte 2.6% i ndikuar kryesisht nga rritja e çmimit të karburantit, energjisë dhe të qirave. Shtrenjtim i lehtë sipas raportit është regjistruar edhe tek grupi i ushqimeve

Fermerët protestuan para Ministrisë së Bujqësisë duke kërkuar subvencionim të naftës, ndaljen e importit të bulmetit si dhe mbështetjen e prodhimit vendas. Mes fermerëve plasi një sherr pas takimit që një përfaqësi zhvilluan me 2 ministrat Salla e Malaj. Një pjesë e tyre s’janë dakord që skema të rishikohet në shtator, duke kërkuar zgjidhje emergjente

Fermerët e Lushnjës dhe Divjakes po përballen me një vit bujqësor te pazakonte. Çmimet e larta të naftes, plehrave kimike dhe farërave kanë rritur ndjeshëm koston e prodhimit. Shumë toka po mbeten djerr, ndërsa fermerët e vegjël, që nuk kanë mekanikë bujqësore rrezikojnë falimentin.

Ilir Pilku dhe Eduard Sharka ishin të ftuar këtë të martë në 'Sot Live në Shqipëri. Ata folën ndër të tjera për protestën e blegtorëve dhe rritjen e çmimeve të produkteve bujqësore.

Shumë sektorë të ekonomisë po vuajnë mungesën e fuqisë punëtore, faktorë që sipas Bankës së Shqipërisë ka ndikuar edhe në rritjen e pagave, por përsëri kërkesa për punonjës është shumë më e lartë sesa oferta, pra punonjësit në dispozicion.

Eksperti Eduart Gjokutaj thekson se nevojitet një paketë e plotë që trajton barrën fiskale me mekanizma fleksibël. Eduart Sharka thotë se i duket paradoksale heqja e subvencionit të naftës në momentin kur fermerët kishin nevojë.

Bordi i Transparencës vendosi sot çmimin e naftës në 224 lekë për litër, niveli më i lartë që prej nisjes së luftën në Lindjen e Mesme. Ndërsa për benzinën çmimi do të jetë 181 lekë për litër. Vendimi do të nisë të zbatohet nga ora 20:00 e mbrëmjes së sotme. Çmimet u caktuan në këto kuota, pasi më parë u zbrit një shumë prej 9.5 lekësh nga aplikimi i reduktimit me 20 % të akcizës.

Qeveria ka deklaruar se fermerët do të dëmshpërblehen për përmbytjet e fundit dhe se po punohet për të bërë një bilanc për dëmet. 

Akuzave se bujqesisa mbetet e nënfinancuar, dhe nuk po ngre 'krye' nga kriza disavjeçare zëvendësministri i përgjigjet duke thënë se vetëm këtë vit parashikohet që për fermerët do marrin 80 milionë euro.

Përmes skemës së re do t'u jepen 10 mijë lekë për hektarë për sipërfaqe të mbjellë me kultura bujqësore, por me kusht që sipërfaqja totale, për të cilën aplikohet, duhet të jetë jo më pak se 3 ha. Kushti tjetër që vitin që vjen do t'i përballë fermerët edhe me gjoba është trajtimi i mbetjeve bujqësore që mbeten, për t'i kthyer në pleh.

Në raportin vjetor të bankës thuhet se inflacioni në 2025-ën ishte 2.6%, ku vetëm çmimet e qirave u rritën me 4.2%, shifra më e lartë e regjistruar ndonjëherë.