Republikani Donald Trump deklaroi se ka fituar garën presidenciale në SHBA kundër demokrates Kamala Harris, që do ta kthente sërish në Shtëpinë e Bardhë pas katër vjetëve. 

Shumë lider botërorë kanë përcjellë urimet e tyre.

"Urime për rikthimin më të madh të historisë! Rikthimi juaj historik në Shtëpinë e Bardhë ofron një fillim të ri për Amerikën dhe një riangazhim të fuqishëm ndaj aleancës së madhe midis Izraelit dhe Amerikës", thotë kryeministri izraelit Benjamin Netanyahu.

Federata Shqiptare e Basketbollit solli në Tiranë Presidentin e FIBA-s për Europën. Ky takim u organizua në kuadër të përpjekjeve për të çuar basketbollin shqiptar në një nivel më të lartë të zhvillimit dhe ndërkombëtarizimit.

Superliga shqiptare e futbollit uli siparin e raundit të 12-të. Të hënë në mbrëmje u zhvilluan dy duelet e fundit, ku spikati fitorja e Dinamos me pesë gola në Elbasan, si edhe barazimi i Partizanit me Teutën. Të hënë gjithçka nisi në orën 14:00 me barazimin pa gola në Ballsh mes Bylisit dhe Laçit. Ora 18:00 pa dy duele. Në "Elbasan Arena" vendasit e AF Elbasanit pësuan humbje të thellë me Dinamon, e cila u shënoi pesë gola. Zabërgja në minutat 23 dhe 34, Meksi në të 32, si edhe dopieta e Dejvi Bregut në pjesën e dytë bëri që djemtë e Ilir Dajës të shënonin rezultatin më të lartë këtë sezon dhe t'i jepnin një "shuplakë" pretendenetëve të AF Elbasanit.

Fitorja 2-0 kundër Skënderbeut i dha kryesimin e Superligës Vllaznisë. Ndërkohë në krahut tjetër trajneri i korçarëve Gvozdenoic e pranon se ekipi është në një moment të vështirë.

Uzuni shënoi golin e vetëm për ekipin e tij në disfatën ndaj Real Zaragozas në transfertë me rezultatin 2-1, sfidë e vlefshme për javën e 13-të të La Liga 2. Në minutën e 84, Uzuni stopoi një top në zonë teksa ishte diagonal me portën dhe goditi në trekëndëshin tjetër duke të kujtuar me realizimin e tij ish futbollistin Alex Del Piero. 

Sulmuesi kuqezi Ernest Muçi ka realizuar një tjetër gol në kampionatin turk me Besiktas.

Superliga shqiptare e futbollit mbylli raundin e 11-të këtë të enjte. Dinamo barazoi për herë të tretë radhazi, këtë herë 1-1 kundër Bylis. Ndërkohë në Durrës Teuta dhe AF Elbasani barazuan 0-0.

Në stadiumin “Niko Dovana” të Durrësit ishte një ndeshe e bukur dhe e luftuar, por asnjë nga ekipet nuk siguroi dot fitoren. Elbasani i shkoi shumë afër golit në minutën e 92-të me Ze Gomes, që nuk i besoi syve, kur pa gjuajtjen e tij të ndalej mbi vijën fatale nga Jazxhi. Ky është barazimi i katërt radhazi për verdheblutë, që duket se kanë harruar si fitohet.

Nuk prodhoi fitues sfida mes Dinamos dhe Bylisit, e cila u mbyll ne barazim 1-1. Në minutën e 52-të, Ayodeji i dha avantazhin ballshiotëve, duke shënuar pas një topi të kthyer nga shtylla. Skuadra e Dedes iu afrua edhe golit të dytë, por u ndal nga tranversa. Te Dinamo nuk u dorëzua dhe i përhershmi Itodo Mandela barazoi shifrat në minutën e 68-të. Ky është barazimi i tretë radhazi për kryeqytetasit, që mbajnë vendin e tretë me 17 pikë, ndërsa Bylis renditet i fundit me 9 pikë.

Në 17:00 Dinamo luan kundër Bylisit në "Elbasan Arena", me djemtë e Ilir Dajës që si vendas kërkojnë të dalin te tri pikët pas dy barazimeve radhazi. Po në këtë orar, në "Niko Dovana" të Durrësit luhet Teuta - AF Elbasani.

Të mërkurën, Tirana humbi 3-4 me Vllazninë në "Roza Haxhiu" të Lushnjës, aty ku tifozët bardheblu u bënë protagonistë dhe me një flakadan dëmtuar tre nga lojtarët shkodranë, me Malën që u desh të shkonte edhe në spital për ndihmë të specializuar.

Peshëngritësja 16-vjeçare Enkileda Carja, e cila nuk mori pjesë në Evropian për shkak të mungesës së fondeve, thotë për Report Tv se ndjehet shumë e mërzitur nga këto situata.

Një vit më parë Shqipëria krenohej me peshëngritësen e talentuar Enkileda Carja, e cila u shpall kampione Evrope për të reja në stilin e shkëputjes. Pa harruar 3 medaljet e arta dy vite më parë në Evropianin e moshave deri në 15 vjeç. Mirëpo situata tani, edhe pse ka kaluar pak kohë, është e trishtë. Trajnerja e sportistet, Eglantina Kalemi, ka njoftuar se Enkileda nuk ka marrë pjesë në Evropianin U-20 që po zhvillohet në Poloni, pasi federata s’ka fonde për 16-vjeçaren.

E ndërkohë që në Poloni zhvillohej kampionati Evropian, Enkileda në Tiranë vijoi stërvitjen, duke arritur një rezultat që sipas trajneres, nëse do kishte qenë atje do kishte siguruar medalje. Siç tregon edhe kjo foto e siguruar nga Report TV Enkileda e ka përjetuar shumë keq mungesën në kampionatin Evropian, ndërsa nëse do të ishte në Poloni lotët mund të ishin gëzimi.

Superliga shqiptare rikthehet të mërkurën dhe në program është sfida mes Tiranës dhe Vllaznisë. "Klasikja" e futbollit shqiptar luhet në orën 14:00 në stadiumin "Roza Haxhiu" të Lushnjës, kjo për shkak të mungesës së impianteve në kryeqytet.

Java e 10 e Superligës la të pandryshuar skuadrën kryesuese, që mbetet Partizani pavarësisht barazimit me Vllazninë. Rezultati 2-2 la të zhgënjyer shkodranët, por skuadrat do kenë mundësi të rikuperojnë shumë shpejt pasi java e 11 e kampionatit do luhet të mërkurë dhe të enjte.

Pas sukseseve në mundje dhe në atletikë, sportistët e Sport Klub Tiranës vijojnë të dhurojnë rezultate të shkëlqyera në garat ndërkombëtare për Shqipërinë dhe ngjyrat Kuq e Zi. Këtë fundjavë është skiatorja e talentuar, Lara Colturi, që garon për Shqipërinë, e cila arriti të kualifikohet në finalen e ‘sllallomit gjigand’ në Solden.

Skiatorja që mbron ngjyrat “Kuq e Zi” është renditur e 16-ta në etapën inaguruese. Ndalesa e radhës është me 16 Nëntor në Levi.

Në mbështetje të sportistes së re, kryetari i Bashkisë së Tiranës, Erion Veliaj tha se vëmendja ndaj sportistëve shqiptarë po jep rezultatet e pritshme, si në mundje dhe atletikë, e tani edhe në ski.Botërori i Skive/ Lara Colturi, kualifikohet në finalen e Kupës së Botës, Veliaj: Vëmendja ndaj sportit po jep fryte

Këtë të shtunë duke nisur nga ora 21:00 e gjithë bota e futbollit është e përqëndruar në "Bernabeu", ku për raundin e 11-të në La Liga po luhet sfida El Clasico mes Real Madridit dhe Barcelonës.

Skiatorja Lara Colturi që përfaqëson Shqipërinë është renditur e 16-ta në botë në garën e parë të Botërorit të Skive që nisi këtë të shtunë në Soelden të Austrisë.

Për Report TV ai tregon historinë e emrit dhe mbiemrit të tij që pothuajse është identik me fituesin e 8 herë ‘Topit të Artë’.

Pedagogu i Universitetit të Tiranës Gentjan Shaqiri, njëkohësisht piloti kampion Evrope në disiplinën ‘Hill Climb’, tregon për Report TV sesi nisi pasioni për botën e MotoSportit.

Supersfida e javës së 9 të Superligës mes Elbasanit dhe Partizanit u mbyll pa fitues dhe me shifrat 1-1. Të kuqtë realizuan të parët me Zekën, ndërsa vendasit barazuan me Ze Gomesh, por në minutat e fundit tifozët e Elbasanit u tërbuan pas një goli të anuluar, si rrjedhojë e një dyluftimi mes mbrojtësit dhe sulmuesit. Kaq mjaftoi që disa ultras të tentonin të hynin në fushë, por që gjithsesi nu kia dolën.

“Goli ishte i rregullt, e kam parë disa herë. Ishte një duel normal mes një sulmuesi dhe një mbrojtësi. Patëm edhe një penallti që nuk u pa në VAR. Megjithatë me skuadrën jam i kënaqur sidomos për reagimin pasi pësuam golin,”-u shpreh Roberto Bordin, trajner i Elbasanit.

“Një atmosferë fantastike në Elbasan për ndeshjen. E kisha dëgjuar më herët nga kombëtarja e Serbisë që tifozët ketu janë te zjarrtë, por sot e vërtetova. Elbasani në të njejtën kohë ka një ekip shumë kualitativ dhe jam i lumtur për pikën në transfertë edhe pse kemi patur më shume raste,”-tha Aleksandr Veselinovic, trajner i Partizanit.

Mbi 4200 garues morën pjesë këtë të dielën në maratonës e Tiranës, që u mbajt në kryeqytet për të 8 vit me radhë. Shumë garues u mjaftuan me pjesëmarrjen, ndërsa kishte edhe nga ata të cilët vrapuan për kauza të ndryshme siç është autizmi, por edhe personat me aftësi ndryshe.

Një hungarez ishte pjesë e Maratonës së Tiranës, duke iu bashkuar rreth 5 mijë pjesëmarrësve në këtë garë. Ai mori pjesë në disiplinën 10 km dhe duke marrë fillimisht medaljen e vendit të parë për meshkuj. Por, pas verifikimeve, burime për Report Tv bëjnë me dije se hungarezi është skualifikuar nga gara pasi nuk ka respektuar itinerarin e vendosur për garën 10 km. Ai nuk ka ndjekur rrugën e përcaktuar dhe këtë e tregoi GPS-i.

Kryetari i Bashkisë së Tiranës, Erion Veliaj i ka dorëzuar medaljen e vendit të parë të Maratonës së Tiranës në kategorinë 42 km për femra, atletes Luiza Gega. Gjatë fjalës së tij, Veliaj u shpreh se ky vit ka qenë i jashtëzakonshëm për kryeqytetin, ndërsa shtoi se shumë prej të huajve që kanë ardhur në Tiranë për maratonën kanë një motiv më shumë për t’u rikthyer vitin tjetër dhe për të investuar në kryeqytet.

Për të tretin vit me radhë, Safet Plangaj fiton vendin e parë në kategorinë We Too në Maratonën e Tiranës. Edhe këtë vit në maratonë nuk munguan kategoria frymëzuese e personave me aftësi të kufizuara. Për Report Tv, Plangaj tregon vështirësitë e personave paraplegjikë për të marrë pjesë në eventin më të madh sportiv të kryeqytetit.

Presidenti i Federatës Shqiptare të Atletikës, Taulant Stërmasi në një intervistë për Report Tv, foli për organizmin e Maratonës së Tiranës. Ai tregon se këtë vit janë rreth 5 mijë pjesëmarrës që kanë marrë pjesë në maratonë, ku rreth 1 mijë prej tyre janë të huaj.

Maratona e Tiranës mblodhi sot rreth 5 mijë pjesëmarrës, ndërsa nuk munguan as kategoria frymëzuese e personave me aftësi të kufizuara. Një pjesëmarrës i garës ‘We Too’ foli për gazetarin e Report Tv, Ernest Koçi ndërsa rrëfeu edhe emocionet e kësaj gare.  

Luiza Gega ka arritur një sukses në Maratonën e Tiranës, duke vendosur një rekord kombëtar në këtë edicion të tetë të garës. Ajo shprehu emocionet e saj pas përfundimit të garës, duke theksuar se ishte një sfidë e dyfishtë për të, pasi gjatë dy ditëve të fundit kishte kaluar një grip të fortë.

Sot ka startuar “Maratona e Tiranës,” ngjarja më e madhe sportive në kryeqytet.

Maratona e Tiranës ka mbledhur rreth 5 mijë garues nga 50 vende të botës. Një prej tyre, tregon për Report Tv se ka zgjedhur kauzën ‘Run for autism’, në mbështetje të fëmijëve me spektrin e autizmit.

Rreth 4 mijë pjesëmarrës garojnë sot në Maratonën e Tiranës, 40% më shumë se vjet. Maratona zhvillohet në katër kategori kryesore: “Marathon”, “Half Marathon”, “Tirana 10K” dhe “We Too”.

Sot rikthehet në Tiranë maratona, një traditë prej 8 vitesh në kryeqytet. Maratona nis në orën 09:00 dhe do të zgjasë deri në orën 16:00. Ja si do të devijohet qarkullimi i automjeteve.

Një ngjarje e paprecedentë ka ndodhur në futbollin shqiptar. Dhuna mesa duket nuk është zhdukur ende, teksa së fundmi një sfidë mes Orikut U17 dhe Butrintit U17 ka përfunduar në sherr masiv.

Një ditë para aktivitetit të madh sportiv “Maratona e Tiranës”, në kryeqytet u zhvillua sot gara e vrapimit “Fun Run Tirana” që mblodhi së bashku 2000 nxënës nga shkollat 9-vjeçare dhe të mesme të cilët vrapuan në Bulevardin “Dëshmorët e Kombit”.

Tirana-Dinamo është një nga duelet më interesante të javës së 9 të Superligës që nis të shtunën në orën 14:00. Megjithëse derb i kryeqytetit kjo ndeshje do luhet në Vlorë në stadiumin ‘Flamurtari’, pasi ‘Air Albania’ është mbyllur për të qenë në gjendje perfekte për ndeshjet e kombëtares.

“Jo pozitive është fakti se tifozët e kanë distancën e largët, por ky vakum që do krijohet qoftë nga tifozët e Dinamos apo të Tiranës të mbushët nga tifozët vlonjatë, pasi edhe ata e pëlqejnë një derbi,”-u shpreh Ilir Daja, trajner i Dinamos.

Tirana në këtë përballje vjen pas një humbje kundër Teutës, që ishte e para këtë sezon, ndërsa Dinamo e Ilir Dajës pas 2 fitoreve radhazi dhe një atmosferë shumë pozitive që ka sjellë trajneri Ilir Daja.

Kjo fundjavë do të rikthejë në kryeqytet maratonën e përvitshme e cila prej 8 vitesh është kthyer në një traditë në Tiranë.

Me rastin e këtij aktiviteti që do të shtrihet në rrugët kryesore të qytetit, Bashkia e Tiranës në bashkëpunim me Policinë e Shtetit kanë hartuar një plan masash për devijimin e qarkullimit të automjeteve.

Maratona e Tiranës do të nisë në orën 09:00 të paradites dhe do të zgjasë deri në orën 16:00. Ndalimi i qarkullimit të automjeteve do të bëhet deri në 11:00 nga sheshi "Nënë Tereza" deri në fundin e bulevardit "Dëshmorët e Kombit"

Presidenti i federatës shqiptare të mundjes, Sait Prizreni, thotë për Report Tv se ky është një organizim unik që do sjellë rreth 2300 pjesmarrës, teksa sportistët kuqezinj synojnë gjithashtu medalje.

Kupa e Shqipërisë zhvilloi të mërkurën 16 ndeshjet e fazës së parë, aty ku u shënuan gola pafund dhe u vendos një rekord historik.

Në Vlorë, Flamurtari i Andrea Agostinelit fitoi 15-1 kundër Devollit, çka solli thyerjen e rekordit të Partizanit pas 73 vitesh dhe vendosjen e një të riu. Fitorja e vlonjatëve është më e thella në historinë e futbollit shqiptar, duke kaluar një rekord që mbahej prej janarit të vitit 1951.

Më 31 janar të atij viti, Partizani fitonte 14-0 me Punën e Beratit në një ndeshje për kampionatin, me Refik Resmjan shënonte shtatë gola. Ndërkohë në Vlorë, për ndeshjen e Kupës kundër Devollit ishte Vasil Shkurtaj që shënoi pesë gola, të gjithë në pjesën e dytë.

Kombëtarja shqiptare e futbollit humbi me Çekinë dhe fitoi me Gjeorgjinë për Grupin B1 në Ligën e Kombeve, teksa është ende në garë për kreun e grupit.