Në Librari
  • 'Në librari', nga “Enciklopedia kadareane” tek Magjia e roleve skenike të artistet Pavlina Mani

    Rubrika “Në librari” edhe këtë fundjavë vjen me katër tituj të rinj për lexuesit. Nga “Enciklopedia kadareane”, që vjen si studim i plotë për rëndësinë e veprës së autorit të njohur në 47 gjuhë, tek Magjia e roleve skenike të artistet Pavlina Mani.

  • “Në Librari” me 4 tituj të rinj, nga profecia e koronavirusit, tek letërsia më e mirë evropiane!

    Rubrika “Në librari” vjen këtë javë me katër tituj të rinj. Përmes një rrëfimi Dean Koontz parashikoi pandeminë, që ka përshkruar aktualisht botën që në vitin 1981. Por nuk mungojnë as letërsia më e mirë europiane dhe një studim, që rrëfen lidhjen e shkrimtarëve shqiptarë me vendlindjen.

    Sytë e errësirës

    Autor

    Dean Koontz

    Etelina Nikolla

    Redaktore

    Botime “Fan Noli”

    Çmimi 1500 lekë

     “Rreth vitit 2020 një pneumoni serioze do të përhapet në të gjithë botën dhe se kjo është në gjendje t’i rezistojë të gjitha trajtimeve të njohura”. Kështu do të shkruante, në vitin 1981 shkrimtari amerikan në romanin “Sytë e errësirës” Dean Koontz. Laboratori ndodhet në Wuhan,  prandaj edhe virusi mban emrin, Wuhan-400.

    Pas xhamit të dyfishtë

    Autore

    Halldora Thoroddsen

    Agim Doksani

    Përkthyes

    Botime “Pegi”

    Çmimi 500 lekë

    Një grua e ve edhe e moshuar vështron nga dritaret me xham të dyfishtë. Ajo ndihet e përjashtuar. Monotonia thyhet kur hyn në skenë një burrë, që e bën të ndiejë edhe një herë dalldinë e përkrahjes. Por, sa e mundur është e mundur, të dashurohesh në moshën e saj?!

    Pasqyra e t’rrëfyemit

    Letërsia edhe vendlindja

    Autor

    Behar Gjoka

    Botime “Pjetër Budi”

    Çmimi 10 mijë lekë

     “Pasqyra e të rrëfyemit” ndalet kësaj here tek Letërsia dhe vendlindja e autorëve shqiptarë. Studiuesi Behar Gjoka na rrëfen se vendlindja është vendi ku përjetohen gëzimet, hidhërimet edhe vuajtjet. Përndaj jo vetëm nënkupton të kaluarën e një individi, por edhe formimin shpirtëror e kulturor të tij

    Maçoku persian i quajtur Pek

    Autor

    Gao

    Hongbo

    Jorgji Qirjako

    Përkthyes

    Libri për fëmijë “Maçoku persian i quajtur Pek” sjell përrallat dhe historitë për fëmijët kinezë. çdo fëmijë përmes këtij libri do të përjetojë lumturinë, realitetin dhe përmes fantazisë do të gjejë historinë e vet

    Botime “Dituria”

    Çmimi 700 lekë

  • “Në Librari” me 4 tituj të rinj, nga rrëfimi i Albright për fashizmin, tek mashtrimi i “Theranos”

    Rubrika “Në librari” këtë fundjavë sjell katër tituj të rinj. Botimet kanë në qendër fashizmin gjatë shekullit të XX, që vjen përmes rrëfimit të eksperiencës personale të Albright, një histori dashurie edhe një investigim mbi “Theranos”. Por nuk mungon as një studim që ka në qendër çështjen çame.

    “Fashizmi, një paralajmërim”, një kambanë alarmi nga Albright

    “Kohë pas kohe”, një histori e rrallë dashurie në një stacion treni

    Investigimi i gazetarit për Theranos botohet në librin “Gjak i keq”

    Studim për “Çështjen çame”, 25 mijë erdhën në Shqipëri në ‘44

  • “Në Librari” - 4 botime të reja, rrëfimi autobiografik i Maya Angelout e studimi për fuqitë e mëdha

    Rubrika “Në librari” sjell këtë fundjavë katër tituj të rinj. Përpos rrëfimit rrëqethës së shkrimtares Maya Angelout, nuk mungojnë as studimet për ndikimin e fuqive të mëdha ndaj çështjes shqiptare edhe kodet zakonore në dramaturgjinë shqiptare.

    Rrëfimi autobiografik i Maya Angelout në shqip

    “Pas heshtjes” i Golikut me 140 tregime edhe rrëfenja

    Studim për qëndrimin e fuqive të mëdha ndaj Shqipërisë

    “Kanunet, si kodifikues të kodeve zakonore shqiptare”

  • Në “Librari” 14 qershor 2020, nga poezitë e Moikom Zeqos te ‘Dekameroni’ i Bokaços në shqip

    Rubrika në “Librari” edhe këtë javë vjen si udhërrëfyes mbi botimet e reja. Kësaj here nuk mungojnë autorët e njohur vendas dhe të huaj, si Moikom Zeqo me “Fata Morgana” dhe për herë të parë i pacensuruar në shqip, “Dekameroni” i Bokaços. Moikom Zeqo boton dorëshkrimet me poezi të 1973 dhe 93-it “Dekameroni” i Bokaços për herë të parë në shqip i pacensuruar Publicisti Ilir Yzeiri analizon “Si erdhi realizmi socialist në Shqipëri” Në romanin “Qiellthyesi”, përshkruhen ngjarje të mbushura me mister

  • Rubrika “Në librari”, botimet e reja, nga jeta e gjeniut Hawking tek 44 ditët e emigrantit në Volos

     Rubrika “Në Librari” rikthehet këtë fundjavë me katër tituj të rinj. Kësaj here, lexuesit mund të mësojnë më shumë për jetën e gjeniut Stivën Hoking, por edhe për 40 ditët e një gazetari shqiptar, që në fillim të viteve ’90, shkoi si emigrant në Greqi. Nuk mungojnë as librat për prindërit, që kanë fëmijë. 
     

  • 4 librat që sugjerojmë: Nga përballja me vetminë tek oficeret shqiptare, e liria e shprehjes

     Rubrika “Në librari” sjell këtë javë katër botime të reja. Shkrimtari Zija Çela rrëfen “Lavjerrësin e qytetit”, ndërsa “Si të përballemi me vetminë” propozon disa strategji ndaj vetmisë. Një botim i veçantë sjell historikun e oficereve shqiptare, ndërsa nuk mungon as studimi për lirinë e shprehjes nën kërcënim

  • 'Në Librari'- Nga enciklopedia e mërgimit, tek bisedë në absurd dhe Ismail Kadare

    “Enciklopedia e mërgimit” e Tabakut edhe Osekut, si eksperiment letrar
    Kineastja Anila Varfi sjell vëllim poetik “Bisedë në absurd”
    Fizikantja përkthen “Erëin Schrödinger dhe revolucioni kuantik” 
    Publicisti Ndue Ukaj, sjell “Ismail Kadare: Kryqëzime letrare edhe kulturore” 
    Koka
    Rubrika “Në librari” këtë javë sjell katër botime të reja. Nga “Enciklopedia e mërgimit” nga dy autorë mërgimtarë, tek vëllimi poetik i Anila Varfit, “Bisedë në absurd”, por nuk mungon as libri studimor i Ukajt për forcën estetike të veprës së Ismail Kadaresë

    Libri  1
    Enciklopedia e mërgimit 
    “Enciklopedia e mërgimit”, si vëllim konceptual edhe eksperiment letrar
    Entela Tabaku & Shqiptar Oseku
    Entela Tabaku në gegnisht  edhe Shqiptar Oseku në standard shtjellojnë fenomenin e mërgimit përmes vargjeve poetike, dialogëve edhe reflektimeve në librin “Enciklopedia e mërgimit”. Poetja na rrëfen se ky botim është shkruar, jo vetëm duke ndalur tek përjetimet personale të dy autorëve që për një kohë të gjatë janë mërgimtarë, por edhe duke përdorur një fjalor ndërkombëtarë të termave të mërgimit. 
    Botime “Onufri” 
    Çmimi 800 lekë 
    Libri 2 
    Bisedë në absurd 
    “Frymës që i dha frymë dashurisë”
    Anila Varfi 
    Kinestja Anila Varfi pas vëllimit poetik “Hyj ndër yj” rikthehet tek lexuesi me "Bisedë në absurd". Një rrëfim për shpirtin njerëzor, për dashurinë, për brengën, për dhimbjen dhe heshtjen që marrin jetë përmes vargjeve.  Varfi  në këtë libër përmes vargjeve të sjella në gegnisht  përshkruan dhe bërtet më fortë, për realitetin, shirjen edhe hipokrizinë, por pa shqetësuar askënd. 
    Shtëpia Botuese “Ombra GVG” 
    Çmimi  700 lekë 


    Libri 3 
    Erëin Schrödinger dhe revolucioni kuantik 
    Schrödinger  fitoi Çmimin Nobel në vitin 1933
    John Gribbin 
     “Erëin Schrödinger dhe revolucioni kuantik” i autorit John Gribbin sjell jetën e fizikantit austriak, i cili njihet për kontributin e tij në fizikën kuantike. Përkthyesja e librit, fizikantja shqiptare Eva Dyrnjaja, rrëfen se shkencëtari punoi në periudhën më të begatë në të gjithë historinë e shkencës edhe nuk e fitoi Nobelin për eksperimentin e maces në kuti
    Shtëpia Botuese “Media print”
    Çmimi 1000 lekë 

    Libri 4
    Ismail Kadare: Kryqëzime letrare edhe kulturore 
    Artin e Kadaresë e shquan një forcë e jashtëzakonshme estetike
    Ndue Ukaj
     “Ismail Kadare: Kryqëzime letrare edhe kulturore” është botimi i ri i publicistit Ndue Ukaj. Autori rrëfen se edhe pse për Kadarenë janë publikuar shumë libra të tjerë studimor, ai e sjell këtë botim tek lexuesi për forcën e jashtëzakonshme estetike, gjuhën edhe imagjinatën e mendimit, që përçon përmes veprave të tij në gjini të ndryshme  
    Shtëpia Botuese “Onufri” 
    Çmimi 900 lekë 

  • Në Librari' - Nga Maks Velo, tek Proza e Pjetër Budit, 'Erotika' dhe përjetimet e diktaturës

     Rubrika “Në librari” sjell edhe për këtë fundjavë katër botime të reja. Arkitekti Maks Velo ka shpluhurosur vizatimet e tij që nga viti 1997 me elemente nga etnosi ynë, ndërsa “Proza” e Pjetër Budit na çon më tej në vitet 1555 tek letërsia e hershme shqipe

  • Rubrika 'Në Librari' sjell katër botime të reja këtë javë

    Rubrika “Në Librari”sjell këtë javë për lexuesin katër botime të reja. Shkrimtari Bashkim Shehu flet për romanin që ka në qendër tre rrëfime me një emërues të përbashkët, magjistarin e Hitlerit. Ndërsa, përkthyesi Edon Qesari i "Shtëpia e shtrembër" e Agatha Christie tregon emocionet njerëzore, dobësitë dhe zilinë që lexuesi merr pas leximit të këtij libri.

  • ‘Në librari’ sjell katër botime të reja këtë fundjavë

    Rubrika “Në Librari” sjell edhe këtë fundjavë katër botime të reja. Historiani dhe studiuesi Gazmend Bakiu risjell “Tiranën e vjetër” në 100-vjetorin e kryeqytetit. Ndërsa, për herë të parë libri “Vendi ku nuk vdiset kurrë” i shkrimtares Ornela Vorbësi vjen në shqip për të rrëfyer Shqipërinë e diktaturës nga Parid Teferiçi

    Libri  “Tirana e vjetër”

    “Fotografitë e botimit “Tirana e vjetër” datojnë gjithnjë përpara vitit  1945”

    Gazmend A. Bakiu

    Libri “Tirana e vjetër” nën termin që përcakton territorin e Tiranës, dhe shtrirjen në kohë -nga antikiteti e deri në vitin 1945 vjen sërish, si një ribotim nga studiuesi dhe koleksionisti Gazmend A. Bakiu. Një histori e ilustruar për 100-vjetorin e shpalljes së Tiranës kryeqytet i përkohshëm, më 11 shkurt 1920, dhe 95-vjetorit të sanksionimit në kushtetutë të Tiranës kryeqytet i përhershëm, më 31 janar 1925.

    Shtëpia Botuese “Mediaprint”

    Çmimi 2000

    Libri “Tango në prill”

    “Për dashuritë, që digjen ndërsa lindin… Për gacat në hi…”

    Adriatike Lami

    Vëllimi poetik “Tango në prill” këngë shendi e Adriatike Lamit vjen në këtë muaj të të dashuruarve, si një tango romantike e stinës së artë, por edhe si një valëzim i panjohur më parë, që qenia e pranon ashtu krejt rrëmbimthi.

    Shtëpia Botuese “Pegi”

    Çmimi 600 lekë

    Libri “Vendi ku nuk vdiset kurrë”

    Jemi në Shqipërinë e pluhurtë dhe të baltë të kohës së diktaturës

    Ornela Vorpsi

    Për herë të parë romani “Vendi ku nuk vdiset kurrë” i Ornela Vorpsit, që është botuar në disa gjuhë të huaja, vjen në gjuhën shqipe nga Parid Teferiçi. Teferiçi tregon se si Shqipëria në kohën e diktaturës vjen nëpërmjet rrëfimit të Ornelës, duke e sjell atë përmes anti-edukimit sentimental të të gjitha grave të gjendura në mes të dhunës dhe vetmisë.

    Shtëpia Botuese “Dudaj”

    Çmimi 800 lekë

    Libri “Historia e Shqiptarëve gjatë shek.XX”

    “Shqipëria përballë një rreziku serioz në Konferencën e Paqes në Paris...”

    40 autorë, Beqir Meta

    Vëllimi i dytë i “Historisë së shqiptarëve gjatë shekullit XX” pasqyron studimet shkencore në shumë çështje historike gjatë viteve 1920-‘24. Për realizimin e këtij botimi kanë punuar rreth 40 studiues nga të gjitha trevat shqiptare, të cilët kanë studiuar literaturën historiografike shqiptare edhe të huaj.

    Botues

     Akademia e Studimeve Albanologjike

    Vëllimi II

  • ‘Në librari’ sjell katër botime të reja

    Rubrika “Në librari” sjell edhe këtë javë katër botime të reja nga autorë vendas edhe të huaj. Studiuesja Suzana Varvarica rrëfen 20 mjeshtërit e parë shqiptarë të arteve figurative në një libër për të rinj, ndërsa shkrimtari Mehmet Kraja u rikthehet edhe një herë ngjarjeve historike që Kosova ka përjetuar në vitet 1981-84

    Libri 1 “20 mjeshtërit e hershëm shqiptarë”

    Studiuesja Suzana Varvarica Kuka sjell 20 mjeshtërit e hershëm shqiptarë – “Histori arti për fëmijë dhe të rinjtë”. Ajo na rrëfen se çdo vepër që ka zgjedhur për të ilustruar librin përshkruan aftësitë krijuese, talentin pasqyrues dhe imagjinatën e secilit mjeshtër të hershëm, që ka ndikuar për të krijuar stilin vetjak figurativ.

    Autore Suzana Varvarica
    Shtëpia Botuese “Mediaprint”
    Çmimi 600 lekë 

    Libri 2 “Ringjallja e erosit”
    Libri 2
    Libri “Ringjallja e erosit”, i shkruar nga terapistja e çifteve Esther Perel sjell për lexuesit raste konkrete, të pengesave dhe anktheve, që përjetojnë, si burrat edhe gratë për një dashuri të sigurt. Një botim që vjen në shqip, edhe si një “guidë” për kapërcimin e pengesave 
    Autore Esther Perel
    Përkthyes Erdi Ibro
    Shtëpia Botuese “Pegi”
    Çmimi 1000 lekë

    Libri 3 “Udhëzime për kapërcimin e detit”
    Një roman metaforë me“Udhëzime për kapërcimin e detit”, që ka në qendër ngjarjet historike në një kohë të errët për Kosovën e viteve 1981-‘84. Shkrimtari Mehmet Kraja përshkruan në të gjendjen e represionit mbi gjuhën edhe kulturën, kur të gjithë përbërësit e identitetit në Kosovë kanë qenë të rrezikuar. 
    Autor Mehmet Kraja
    Shtëpia Botuese “Onufri”
    Çmimi 1000 lekë
    Libri 4 “Rruga për t’u bërë dikushi”
    7 raste nga qindra të tjerë, vijnë në botimin e studimit të profesor Adem Tamos ,“Rruga për t’u bërë dikush”, jo vetëm për të prezantuar atë çka ndodh në një klinikë psikologjike, por edhe atë që përfitojnë klientët,  që vetëdijesohen për të bërë trajtime 
    Autor Adem Tamo
    Shtëpia Botuese “Toena”
    Çmimi 1000 lekë 
     

  • Në librari, sjell katër botime të reja këtë javë

    Rubrika “Në Librari” edhe për këtë javë sjellë katër botime të reja. Kësaj here, Autori i vitit 2019, Besnik Mustafaj rrëfen romanin “Dëmtuar gjatë rrugës”. Ndërsa, nuk mungojnë as studimet historike për Syrja edhe Eqerqm Bej Vlorën edhe libri për fëmijë 

    Libri 1
     “Dëmtuar gjatë rrugës” 
    Autor 
    Besnik Mustafaj 
    Historia e komunizmit është një histori drame, ashtu sikundër Dostojevski ka thënë, që “më jepni një dramë, që t’ju jap një kryevepër”, edhe Besnik Mustafaj na rrëfen se beson  ende se ajo periudhë  është një territor i pashfrytëzuar sa duhet nga letërsia. Jo për të treguar atë kohë, por për të trajtuar dramat universale,  në njërën prej tyre tek romani “Dëmtuar gjatë rrugës” shkrimtari zgjedh që narrator të jetë djali, ndërsa personazhi i tij, të jetë nëna.  Shkrimtari Besnik Mustafaj me librin “Dëmtuar gjatë rrugës” është vlerësuar, si Autor i Vitit 2019.  
    Botimet “Toena”
    Çmimi 1000 lekë 

    Libri 2 
    Bijat e gjeneralit 
    Autor 
    Mimoza Hysa 
     “Bijat e gjeneralit” është një roman psikologjik, të cilin Mimoza Hysa ka zgjedhur ta ndërtojë me dy karaktere, që përplasen me njëra-tjetrën. Sfondi historik ku zhvillohen ngjarjet është ai i regjimit komunist, ndërsa dy karakteret që  janë në kundërshti me njëra-tjetrën, janë motra binjake.   
    Botime “Onufri”
    Çmimi 900 lekë
    Libri  3 
    Syrja dhe Eqerem Bej Vlora, 1890-1913
    Autorë 
    Beqir Meta dhe Hasan Bello 
    Për 45 vite me radhë Syrja dhe Eqerem Bej Vlorën  i ka anatemuar edhe mbuluar pluhuri i harresës,  prandaj studiuesit Hasan Bello dhe Beqir Meta sjellin kontributin e tyre real në tre vëllime, fillimisht si epiqendra e lëvizjes shqiptare në Shqipërinë e Jugut. 
    Shtëpia Botuese “Onufri”
    Çmimi 2000 lekë 

    Libri 4
    Tobi, një milimetër e gjysmë guxim
    Autor 
    Timothee de Fombelle 
    Adriana Koxhaj, përkthyese 

    Lexuesi i vogël në librin “Tobi, një milimetër e gjysmë guxim” do të njihet me një djalë 13-vjeçar që, jeton në një civilizim të vendosur në një pemë lisi. Në ditëlindjen e Tobit, babai i tij shkencëtar , krijon një robot. Kur babai nuk pranon t'i tregojë ndokujt se si e bëri atë, ai dhe familja e tij dëbohen në “Degët e Poshtme” të lisit.
    Shtëpia Botuese “Mediaprint”
    Çmime 800 lekë 

  • 'Në Librari' - 4 botime të reja për këtë javë

    Rubrika e Librit “Në Librari” sjell katër botime të reja, nga studimi i Shaban Sinanit mbi krijimtarinë e ndaluar të Dritëro Agollit gjatë viteve ’60, tek përrallat për fëmijë, që nesër të behën qytetarë të denjë  

     “Vepra e Dritëro Agollit dhe brezi i viteve 1960” i Shaban Sinanit

    Gjysma e dytë e shekullit XX në letërsi është e pamundur që të kuptohet pa personalitetin e Agollit,  është ajo çka evidenton studiuesi Shaban Sinani tek “Vepra e Dritëro Agollit dhe brezi i viteve 1960”, duke e vënë kështu shkrimtarin që ka lënë gjurmë në poezi, tregim dhe dramë përballë breznisë së kohës.

     

  • Rubrika në Report Tv për librat e rinj që DUHET t'i lexoni! 3 autorë vendas dhe Bommel e historisë së bujshme të dashurisë Macron

    "Librat e rinj” është rubrika më e re kulturore në “Report tv”, që vjen si një udhërrëfyes mbi botimet e reja.

    Kësaj here përzgjodhëm tre autorë vendas dhe francezen Sylvie Bommel, që heton mbi një nga historitë më të përfolura të dashurisë, atë të çiftit Makron.

Për lajme të tjera kërkoni në arkiv