Anjeza Shatku

Anjeza Shatku ka lindur më 16 gusht 1980 në qytetin e Peshkopisë, ku ka kryer studimet parauniversitare. Me pasion për këngën dhe prezantimin, merr pjesë në të gjitha aktivitetet kulturore të organizuara nga shkolla. Ne vitin 1999 nis studimet e larta në Universitetin e Tiranës, Fakulteti Histori-Filologji, dega gjuhë dhe letërsi shqipe. Përgjatë katër viteve studimore punon paralelisht si redaktore letrare dhe gazetare e jashtme në disa prej gazetave të kohës. Dëshira për të zbuluar kulturën, gjuhën, historinë e vendit fqinj, Italisë, bëhet shtysa kryesore që ajo të nisë studimet në Universitetin e Xhenovës, Fakulteti i Shkencave Politike në vitin 2003, fill pas diplomimit në Tiranë. Xhenova do të bëhet për të shtëpia e dytë mikpritëse, pas Tiranës.

Mirëdita Mësuese
  • Mirëdita Mësuese Mësimi 11

    Mësuese Anjeza sot flet për disa rregulla të drejtshkrimit të pjesoreve foljore për disa nga foljet e grupit të dytë. Shkrimi jo i saktë i tyre duket se ka filluar të bëhet një “rregull” më vete, ndaj edhe këto pjesore sillen në vëmendje. Edhe shkrimi i parashtesës kundërshtuese “anti” gjen në këtë mësim hapësirën e vet të vëmendjes. Së treti, mësuese Anjeza flet për përdorimin e parafjalës “në” dhe “më”, kur duhen përdorur ato dhe pse? Fjala e parë e huaj është “degradim” dhe e dyta, “dominim”.

  • Mirëdita Mësuese Mësimi 10

    Gjatë këtij mësimi mësuese Anjeza sqaron kuptimin dhe përdorimin e foljes “ndodh”, si dhe kuptimin e përdorimin e emrit “pjesë”. Si duhen lidhur këto fjalë me fjalët e tjera në një shprehje? Kur mund të përdoren dhe kur, jo? Pse priremi vetëm drejt përdorimit të parë të tyre dhe harrojmë kuptimet e dyta, të figurshme? Në mbyllje, si fjalë e huaj për sot është zgjedhur “tendencë”, zanafilla e saj dhe mospërdorimi i fjalës shqipe “prirje”.

  • Mirëdita Mësuese Mësimi 9

    Gjatë këtij mësimi mësuese Anjeza përqendrohet te një fjalë e futur së fundi në të folmen e përditshme, “literalisht”. Ajo tregon prejardhjen kuptimore të kësaj fjale dhe saktëson format e duhura shqipe që duhet të përdoren në këtë rast. Mësimi i sotëm vijon me drejtshkrimin dhe drejtshqiptimin e atyre fjalëve që në trup kanë një zanore –e të theksuar, e cila duhet shkruar dhe shqiptuar –e dhe jo –ë. E në fund, ju do të njiheni me fjalën shqipe që zëvendëson fjalën e huaj, “rezyme”.

  • Mirëdita Mësuese Mësimi 8

     Një nga fjalët më të përdorura vitet e fundit është “përshëndetje”. A e themi atë atëherë kur duhet? Kudhe pse gabojmë në përdorimin e saj? Çfarë përshëndetjesh të tjera kemi zëvëndësuar duke përdorur“përshëndetje”?   Disa  huazime të shkruara jo saktë do të trajtohen gjithashtu në këtë mësim ngamësuese Anjeza. Fjala e huaj e përzgjedhur është, “update”. Na ndiqni për të marrë përgjigjet e pyetjeve tuaja.
     

  • Mirëdita Mësuese Mësimi 7

    Edhe në këtë mësim mësuese Anjeza do të na udhëzojë për mënyrën e drejtë të të shkruarit dhe shqiptuarit të disa fjalëve të përdorimit të përditshëm. Fjala e parë e përzgjedhur është « kundër », jo pak herë e ngatërruar me « kundra ». Cilat janë disa nga fjalët e prejardhura që krijohen pikërisht me « kundër » dhe jo « kundra » dhe si duhen shkruar ato? Përgjigjen e kësaj pyetjeje dhe disa të tjerave, që lidhen me drejtshkrimin e fjalëve të prejardhura dhe të përbëra që në trup të tyre kanë përemrin e pacaktuar « gjithë » do ta gjeni në këtë mësim të « Mirëdita Mësuese ». Gjithashtu në këtë mësim sillen në vëmendje foljet që në trup të tyre kanë togun zanor –ie. Kur duhet ruajtur i tillë dhe kur duhet ndryshuar në –je ? Në mbyllje si gjithmonë mësuese Anjeza ju vjen në ndihmë për gjetjen e fjalëve shqipe në vend të fjalëve të huaja, ku për sot ajo sqaron kuptimin dhe përdorimin e foljes « injoroj ».

  • Mirëdita Mësuese Mësimi 6

    Në këtë pjesë të gjashtë të “Mirëdita mësuese” do të keni mundësinë të njiheni më mirë me përdorimin e saktë të përemrave ynë dhe jonë. Një tjetër gabim që haset shpesh është edhe përdorimi i foljes kam dhe jam në vetën e dytë të nurmit shumës, gabim të cilin mësuese Anjeza Shatku e sqaron më së miri. Keni qenë ndonjeherë përballë zgjedhjes së të shkruarit ShBA-së apo ShBA-ve? Mësuesja jonë na qartëson për këtë dilemë si dhe për të tjera të ngjashme si kjo. Sa i përket huazimeve nga gjuhët e tjera, mësuese Anjeza Shatku na tregon gjegjëset dhe përdorimet në shqip të fjalëve “rankoj”, “evitoj”.

  • Mirëdita Mësuese Mësimi 5

    Në këtë pjesë të pestë të “Mirëdita Mësuese” ju do të keni mundësinë të njiheni më mirë me saktësinë e dy fjalëve të dashura për të gjithë ne, Shqipëri dhe shqiptar. Ku gabojmë në shkrimin dhe shqiptimin e tyre? Shprehjet e përditshme, gjithashtu trajtohen me kujdes nga mësuese Anjeza. Format e sakta të përemrave vetorë dhe përdorimi me vend i parafjalëve të rasës emërore do të jenë ndalesa tjetër e kësaj pjese. E në fund mësuesja jonë do të përpiqet të na e bëjë më të lehtë kuptimin dhe përdorimin e fjalëve shqipe, herë-herë të munguara në të folmen tonë e të harruara paksa. “Kontestoj”, “deçiziv”, “definitiv”, “definitivisht”, “talent” dhe “çast” janë të përzgjedhurat për sot.

  • Mirëdita Mësuese Mësimi 4

    Në pjesën e katërt të “Mirëdita mësuese”, mësuese Anjeza Shatku ka trajtuar mënyrën se si formohen antonimet. Shpeshherë bëjmë gabime në vendosjen e shkronjave ç, zh apo sh të cilat shërbejnë për të formuar këto antonime, ndaj mësuese Anjeza tregon se përpara kujt fjalëve vendosen ato. Në gjuhën shqipe zë një përdorim të gjerë edhe viza lidhëse, por se kur duhet të përdoret ajo na e tregon mësuese Anjeza. Sa i përket huazimeve, mësuese Anjeza tregon gjegjëset në shqip të fjalëve "influencoj", “akord”si dhe përdorimet e tyre në gjuhën shqipe.

  • Mirëdita Mësuese Mësimi 3

    Në pjesën e tretë të "Mirëdita Mësuese", mësuese Anjeza ka trajtuar numërorët, të cilët si pjesë e ligjëratës marrin gjininë dhe numrin e emrit që tregojnë, por sa të saktë jemi gjatë përdorimi të tyre në numrn shumës? Rregullat na i tregon mësuese Anjeza Shatku e cila tregon gjithashtu edhe emrat në gjuhën shqipe që formohen nga mbiemrat. Diçka që e ngatërrojmë shpesh është edhe përdorimi i nyjes “të” dhe “së”, dallimin midis të cilave, si dhe përdorimin e drejtë të tyre na i tregon mësuese Anjeza. Në këtë mësim të tretë mësojmë gjithashtu edhe lakimin e përemrave vetorë të numrit shumës “ne” dhe “ju” si dhe përdorimin e trajtave të shkurtra të përemrit vetor. Sa i përket huazimeve, mësuese Anjeza tregon gjegjëset në shqip të fjalës "prezenca" dhe përdorimet e saj në gjuhën shqipe.

  • Mirëdita Mësuese / Mësimi 2

    Në pjesën e dytë të "Mirëdita Mësuese", fjalët e zgjedhura nga mësuese Anjeza Shatku janë "i, e gjelbër" dhe "mrekulli", që të dyja të hasura shpesh në komunikimin e përditshëm. Mësuese Anjeza na tregon gabimet më të shpeshta në shqiptim dhe shkrim, duke treguar edhe trajtat e sakta të përdorimit. Sa i përket huazimeve, mësuese Anjeza tregon gjegjëset në shqip të fjalëve "risk", "angazhim", "insistoj", "primar", "sekondar", "abuzim"

  • Mirëdita Mësuese / Mësimi 1

    Në pjesën e parë të "Mirëdita Mësuese", mësuese Anjeza Shatku trajton fjalët "vete" dhe "faleminderit". Dy fjalë që të gjithë i hasim shpesh në përditshmërinë tonë. Por sa saktë i shkruajmë ato? Mësuese Anjeza na tregon trajtat e sakta të përdorimit të këtyre fjalëve, por edhe rregullimin e gabimeve më të shpeshta që bëjmë në shqiptimin apo shkrimin e tyre. Sa i përket huazimeve, mësuese Anjeza tregon gjegjëset në shqip të fjalëve "alternativë", "i paprecedent" dhe "konfuz"

Për lajme të tjera kërkoni në arkiv